Հավաքականների կազմում պատմության ամենաշատ խաղերը. Բուֆֆոնը` թոփ-5-ում
Նմանատիպ
Իտալիայի հավաքականի դարպասապահ Ջանլուիջի Բուֆֆոնը մասնակցել է Աշխարհի 2018 թվականի առաջնության ընտրական փուլի՝ Լիխտեյնշտեյնի հետ խաղին (5:0):
39-ամյա ֆուտբոլիստը «սկուադրա աձուրիայի» կազմում 169-րդ հանդիպումն անցկացրեց, ինչի շնորհիվ շրջանցեց էկվադորցի պաշտպան Իվան Ուրտադոյին (168 խաղ) և հայտնվեց ազգային ընտրանիների պատմության ընթացքում ամենաշատ խաղեր անցկացրած ֆուտբոլիստների լավագույն հնգյակում: Այդ մասին տեղեկացնում է «Gracenote Live»-ը:
Մարտին իտալացին գերազանցել էր եվրոպացի ֆուտբոլիստների ռեկորդը: Գործող ռեկորդակիր Ահմեդ Հասանի ցուցանիշը գերազանցելու համար Բուֆֆոնին հարկավոր է հավաքականի կազմում ևս 16 մրցավեճի մասնակցել:
Ազգային ընտրանիների կազմում ամենաշատ խաղեր անցկացրած ֆուտբոլիստները.
1. Ահմեդ Հասան (Եգիպտոս, կիսապաշտպան) – 184 խաղ
2. Հոսամ Հասան (Եգիպտոս, դարպասապահ) – 178
3. Կլաուդիո Սուարես (Մեքսիկա, պաշտպան) – 177
4. Մոհամեդ Ալ Դեայա (Սաուդյան Արաբիա, դարպասապահ) – 172
5. Ջանլուիջի Բուֆֆոն (Իտալիա, դարպասապահ) – 169
Հետևեք մեզ նաև Telegram-ում