Լևոն Արոնյանը չեմպիոն դարձավ լավագույններից լավագույնների հետ պայքարում

Նորվեգիայի Ստավանգեր քաղաքում ավարտվեց «Norway Chess» գերհզոր մրցաշարը, որում հիանալի հանդես եկավ Լևոն Արոնյանը։ Հայաստանի ուժեղագույն գրոսմայստերը 9 տուրում վաստակեց 6 միավոր և դարձավ չեմպիոն։

Վերջին տուրում Արոնյանը սևերով ոչ-ոքի խաղաց Ուեսլի Սոյի հետ։ Առաջատարին հավասարվելու հնարավորություն ուներ Հիկարու Նակամուրան, սակայն վերջինս եզրափակիչ տուրում պարտվեց Ֆաբիանու Կարուանային:

Արոնյանը մրցաշարն անցավ առանց պարտության: Նա ոչ-ոքի խաղաց Ուեսլի Սոյի, Անիշ Գիրիի, Հիկարու Նակամուրայի, Մաքսիմ Վաշիե-Լագրավի, Վիշվանաթան Անանդի և Ֆաբիանո Կարուանայի հետ, իսկ աշխարհի չեմպիոն Մագնուս Կարլսենի, աշխարհի նախկին չեմպիոն Վլադիմիր Կրամնիկի և աշխարհի չեմպիոնի կոչման նախկին հավակնորդ Սերգեյ Կարյակինի հետ պարտիաներն ավարտեց հաղթանակով: Այս հաջողության շնորհիվ Արոնյանի անձնական վարկանիշը բարձրացել է 15.5-ով, և նա համաշխարհային դասակարգման ընթացիկ հաշվարկում 7-րդ հորիզոնականից բարձրացել է 4-րդ։

Նշենք, որ այս տարվա «Norwey Chess»-ը շախմատի պատմության ամենախոշոր վարկանիշ ունեցողներից մեկն էր․ բոլոր 10 գրոսմայստերների միջին էլոն կազմում էր 2793:

Ուեսլի Սո – Լևոն Արոնյան պարտիայի ընթացքը

“>

Վերջին տուրի արդյունքներ

• Ուեսլի Սո – Լևոն Արոնյան՝ 0․5 – 0․5
• Ֆաբիանո Կարուանա – Հիկարու Նակամուրա՝ 1 – 0
• Վլադիմիր Կրամնիկ – Անիշ Գիրի՝ 1 – 0
• Վիշվանաթան Անանդ – Մագնուս Կարլսեն՝ 0․5 – 0․5
• Սերգեյ Կարյակին – Մաքսիմ Վաշիե-Լագրավ՝  0․5 – 0․5

Մրցաշարային աղյուսակի վերջնական տեսքը

1. Լևոն Արոնյան – 6 միավոր
2. Հիկարու Նամակուրա – 5
3. Վլադիմիր Կրամնիկ – 5
4. Ֆաբիանո Կարուանա – 4․5
5. Ուեսլի Սո – 4․5
6. Անիշ Գիրի – 4․5
7. Մաքսիմ Վաշիե-Լագրավ – 4
8. Վիշվանաթան Անանդ – 4
9. Մագնուս Կարլսեն – 4
10. Սերգեյ Կարյակին – 3․5