Հովհաննես Բաչկով. Համառությանս շնորհիվ հաղթեցի
Նմանատիպ
Ուկրաինական Խարկով քաղաքում ավարտված Եվրոպայի առաջնությունում 64 կգ քաշային Հովհաննես Բաչկովը եզրափակչում 5:0 հաշվով առավելության հասավ անգլիացի Լյուկ Մաքկորմակի նկատմամբ: Նորընծա չեմպիոնն արդեն վերադարձել է հայրենիք և պատասխանել լրագրողների հարցերին։
«Առաջինը ուզում եմ շնորհակալություն հայտնել բոլոր այն մարդկանց, ովքեր հոգեպես իմ կողքին էին: Սա ինձ համար ավելի պարտավորեցնող է, փորձելու ենք գնալ ավելի առաջ և այսպիսի մեդալներ շատ բերել»:
25-ամյա բռնցքամարտիկը կարծում է, որ այս հաղթանակը համառության ու նվիրված աշխատանքի արդյունք է.
«Հաղթանակս համառությանս շնորհիվ ստացվեց, քանի որ ցանկությունս շատ մեծ էր: Նաև լավ աշխատանքի ու լավ մարզչական կազմի շնորհիվ»:
Եզրափակելով խոսքը՝ Բաչկովն ասաց, որ չի կարող առանձնացնել ոչ մի մենամարտ.
«Բոլորն էլ բարդ էին, քանի որ բոլոր մրցակիցներով իրար լավ ենք ճանաչում»:
Հետևեք մեզ նաև Telegram-ում