Պաշտոնական. Բանեգան վերադառնում է «Սևիլյա»
28/06/2017 10:35
Նմանատիպ
«Ինտերի» կիսապաշտպան Էվեր Բանեգան կարիերան շարունակելու է «Սևիլյայում»,- հայտնում է իսպանացիների պաշտոնական կայքը:
Առաջիկա օրերին արգենտինացին կժամանի Անդալուսիա, որտեղ բուժզննման կենթարկվի ու պայմանագիր կստորագրի: Համաձայնագիրը նախատեսված է լինելու 3 տարով:
Ոչ պաշտոնական տվյալներով տրանսֆերը կազմելու է 9 միլիոն եվրո: Մեկ տարի առաջ 28-ամյա ֆուտբոլիստը «Սևիլիայից» «Ինտեր» էր տեղափոխվել անվճար` ազատ խաղացողի կարգավիճակով:
Բանեգան իսպանական թիմում է հանդես եկել 2014-15թթ. և 2015-16թթ. մրցաշրջաններում:
«Ինտերի» կազմում անցկացրած Ա Սերիայի 28 խաղում կիսապաշտպանը դարձել է 6 գոլի ու 6 գոլային փոխանցման հեղինակ:
Հետևեք մեզ նաև Telegram-ում