USD
EUR
RUB

Արթուր Նազարյան. Մարզչի աշխատանքի գնահատականը չի կարող մեկ անձ տալ

Բասկետբոլի Եվրոպայի մինչև 20 տարեկանների առաջնության B դիվիզիոնում Հայաստանի ընտրանին զբաղեցրեց 17-րդ տեղը: Խմբային փուլն անհաջող անցկացնելուց հետո Վիգեն Էսկիջյանի սաները 17-րդ տեղի համար պայքարում երկու հաղթանակ տոնեցին, այդ թվում Ադրբեջանի հավաքականի նկատմամբ: Հայաստանի բասկետբոլի ֆեդերացիայի գլխավոր քարտուղար Արթուր Նազարյանը հավաքականի հետ Ռումինիայում էր: Sport.Times.am-ի հետ զրույցում նա ամփոփեց հայ երիտասարդների ելույթները, ինչպես նաև պատասխանեց ազգային ընտրանու վերաբերյալ հարցերին:

- Ի՞նչ սպասելիքներ ունեիք Մ-20 հավաքականից և որքանո՞վ դրանք արդարացան:

- Սպասում էինք, որ Մ-20 հավաքականն առնվազն կլինի լավագույն տասնյակում: Չնայած թիմը վատ հանդես չեկավ, 6 խաղից 3-ում հաղթանակ տոնեց, զբաղեցրեց ընդամենը 17-րդ հորիզոնականը: Դա նախորդ տարվա արդյունքի կրկնությունն է: Երրորդ տարին անընդմեջ երեք խաղ հաղթելը խոսում է այն մասին, որ պոտենցիալ ունենք:

- Որո՞նք են նման ոչ գոհացուցիչ արդյունքի պատճառները։

- Նախապատրաստման համար ունեինք ընդամենը 20 օր, որովհետև բասկետբոլիստների մեծ մասն ԱՄՆ-ում են հանդես գալիս և մեզ կարող էին միանալ միայն հունիսի 15-ից հետո: Շատ լավ հասկանում ենք, որ նման կարևոր մրցաշարին նախապատրաստվելու համար 20 օրը քիչ է: Օրինակ՝ մեր մրցակիցները մոտ 1,5 ամիս ունեին, ստուգողական խաղեր են անցկացրել ուժեղ մրցակիցների հետ, ինչն իր հետևանքն է ունենում:

Եթե ցանկանում ենք B դիվիզիոնում հաջողության հասնել, ուրեմն պետք է ուսումնամարզական երկար հավաքներ անցկացնենք: Հետագայում փորձենք խաղացողներին շուտ բերել Հայաստան և շատ ընկերական խաղ անցկացնել: Այս անգամ ընդամենը 3 ստուգողական հանդիպում կարողացանք կազմակերպել, որովհետև թիմի կազմը հավաքվեց հունիսի 20-ից:

- Նշում էիք, որ Մ-20 հավաքականն ամենախոստումնալիցն է Հայաստանի բոլոր ընտրանիներից: Այս առաջնությունում նրանք իրենց հնարավորությունների քանի՞ տոկոսով խաղացին:

- Իրոք ամենախոստումնալիցն է, քանի որ մյուս տարիքային խմբերի համեմատ լավագույն կազմն ունի: Պետք չէ մոռանալ, որ մյուս հավաքականների համեմատ B դիվիզիոնում խաղաց, իսկ մյուսները C-ում են հանդես եկել: Դժվար է ասել Մ-20 հավաքականն իր ուժերի քանի տոկոսով խաղաց, որովհետև մի քանի գործոն կար: Արդեն նշեցի նախապատրաստական փուլի մասին: Բարդ էր նաև մեր ենթախումբը, որում թույլ մրցակիցներ չկային: «Մահվան խմբում» էինք հայտնվել (Լեհաստան, Բելգիա, Ֆինլանդիա, Բելառուս, Հայաստան-խմբ.), բայց կարող էինք ավելի լավ հանդես գալ:

- Խաղային տեսանկյունից թերությունները որո՞նք էին։

- Վերջին 2 հանդիպումներում Հայաստանի ընտրանին հաղթանակներ տոնեց, զգացվեց որ խաղից խաղ թիմն ավելացրել է: Պաշտպանությունում սկսել էինք ավելի լավ գործել, որը մրցաշարի ընթացքում հիմնական խնդիրն էր: Առաջին երկու պարտություններից հետո պաշտպանությունը շատ լավ սկսեց գործել, հատկապես Լեհաստանի դեմ հաղթական մրցավեճում: Մի փոքր ավելի շատ ժամանակ ունենալու դեպքում պաշտպանության խաղն ավելի ամուր կդառնար:

- Պատանեկան ու երիտասարդական հավաքականների գերխնդիրն ազգային ընտրանու համար որակյալ խաղացողներ նախապատրաստելն է: Այդ հարցում դրական առաջընթաց կա՞:

- Այո, Մ-20-ի թիմի երկու բասկետբոլիստներ` Արամ Արսլանյանն ու Մեթյու Մադոյանն արդեն հրավիրվել են ազգային ընտրանի: Նրանք հիմա Հայաստանի հավաքականի հետ պատրաստվում են աշխարհի առաջնության ընտրական փուլի հանդիպումներին: Երիտասարդական թիմում կան նաև այլ խաղացողներ, ովքեր ապագայում կարող են համալրել ազգային ընտրանին:

Ցանկանում եմ նշել, որ Մ-20 թիմում շատերը ավելի երիտասարդ էին․ կային 17, 18 տարեկան մի քանի բասկետբոլիստներ: Այսինքն` թիմի գրեթե կեսը մյուս տարի ևս կարող է խաղալ երիտասարդական առաջնությունում, ինչը շատ եմ կարևորում:

- Գլխավոր մարզիչ Վիգեն Էսկիջյանի աշխատանքն ինչպե՞ս եք գնահատում: Նա շարունակելո՞ւ է գլխավորել հավաքականը:

- Աշնանը Հայաստանի բասկետբոլի ֆեդերացիայում ժողով կլինի, կքննարկվեն կատարված աշխատանքները, կորոշվի՝ Վիգեն Էսկիջյա՞նն է շարունակելու գլխավորել Մ-20 հավաքականը, թե՞ ոչ: Էսկիջյանն ամեն ինչ արեց, որ հավաքականը լավ ելույթներ ունենա: Շատ նվիրված աշխատեց: Որոշ բաներ ստացվեց, որոշ բաներ` ոչ: Այդ ամենի գնահատականը չի կարող մեկ անձ տալ, այդ պատճառով մարզչի աշխատանքը կվերլուծվի ֆեդերացիայի ընդհանուր ժողովի ժամանակ:

Հարկավոր է նաև մարզչի կարծիքը լսել, որովհետև նրա գործը ժամանակավոր բնույթ է կրում, տարվա ընթացքում նա 1,5-2 ամիս է աշխատում: Ամեն տարի մենք մարզիչների հետ քննարկում ենք հեռանկարները, որովհետև այս աշխատանքը նրանց համար մշտական չէ, կարճ ժամանակ է պահանջում, ուստի պետք է պարզել, թե ում է հարմար կլինի և ում` ոչ: Միայն Հայաստանում չէ, որ այդպես է: Բոլոր երկրներում մինչև 20 տարեկանների հավաքականը մարզելը ժամանակավոր աշխատանք է:

- Էսկիջյանը նշել էր, որ Ադրբեջանի հետ խաղից առաջ բազմաթիվ զանգեր էին ստացվել, թիմը լարված էր: Այդ զանգերն ի՞նչ մակարդակի էին:

- Զանգեր ստանում էինք շատ-շատերից, մարդիկ հետաքրքրվում էին, թե հավաքականն ինչ վիճակում է, քաջալերում էին տղաներին: Պատասխանատվության զգացողությունը չափազանց մեծ էր, որովհետև շատերն էին սպասում այդ խաղին և ուզում էինք հասկանալ, թե մեզ այդ օրը ինչ է սպասվում: Մարդիկ ցանկանում էին իմանալ նաև, թե անվտանգության ապահովման համար ինչ քայլեր են ձեռնարկվել:

- Տպավարություն կար, որ մարզական տեսանկյունից բացի ադրբեջանցիների հետ այլ խնդիրներ չառաջացան: Այդպե՞ս էր:

- Այո, ամեն ինչ նորմալ ընթացավ: Կազմակերպչական առումով ամեն ինչ շատ լավ էր: Թիմերի անվտանգությունն ապահոված էր: Խաղի ժամանակ նույնպես նրանք իրենց կոռեկտ պահեցին, ոչ մի միջադեպ տեղի չգրանցվեց: Մրցավեճից առաջ տեղի էր ունեցել ժողով` մեր, նրանց ու ՖԻԲԱ-ի ներկայացուցիչների միջև, որի ժամանակ նշվեց, որ պետք է ամեն ինչ արվի, որ խնդիրներ չառաջանան: Ինչպես տեսաք` այդպես էլ եղավ:

- Մի քանի հարց էլ Հայաստանի ազգային հավաքականի մասին, որն օգոստոսի 2-ին ԱԱ-ի ընտրական փուլի շրջանակում ընդունելու է Սլովակիայի ընտրանուն: Մեկ տարի առաջ «Փոքր երկրների» առաջնությունը հաղթած հավաքականի համեմատ թիմի կազմում նշանակալի փոփոխություններ են կատարվել: Օրինակ` հայտավորվածների թվում չկան Անդրե Սթայթ Մկրտչյանը, Բրայանտ Դանսթոնը, Զարեհ Զարգարյանը... Ինչո՞վ է դա պայմանավորված:

- Նրանք չեն կարողացել միանալ հավաքականին: Այդ մասին գլխավոր մարզիչ Նիկշա Բավցևիչը կխոսի մամուլի ասուլիսի ժամանակ: Միայն նշեմ, որ Անդրե Սփայթ Մկրտչյանին նրա համալսարանը թույլ չի տվել միանալ հավաքականին, որովհետև նրանց թիմն այս օրերին կարևոր խաղեր ունի անցկացնելու: Այդ պատճառով նա խնդրեց իրեն այս անգամ չհիրավիրել հավաքական, սակայն հետագայում նա անպայման մասնակցելու է ազգային ընտրանու խաղերին:

Դանսթոնն արդեն 31 տարեկան է, դժվարանում է համատեղել հավաքականի ու ակումբի խաղերը: Նա նույնպես խնդրել է իրեն չհիրավիել, որպեսզի կարողանա կենտրոնանալ ակումբային ելույթների վրա:

Ինչ վերաբերվում է Զարեհ Զարգրայանին, ապա նա որոշել է ավարտել բասկետբոլիստի կարիերան:

- Նման կորուստների պարագայում, թիմի առջև ի՞նչ նպատակ է դրվելու:

- Այդ հարցին նույնպես մարզիչը կպատասխանի լրագրողների հետ հանդիպման ժամանակ: 

 

Հայկ Հովհաննիսյան

Լրահոս
Զիդան. Չէի սպասում, որ «Բարսելոնան» 10 միավորի առավելություն կունենա Արոնյանը ռիսկի չի դիմում (կատարված քայլեր) Ռուսաստանը զրկվել է ևս երկու ոսկե մեդալից ու կրոցրել Սոչի-2014-ի առաջատարի դիրքը Ընտրվել է Եվրոպա լիգայի 5-րդ տուրի լավագույն ֆուտբոլիստը Մեսսին ստացավ «Ոսկե խաղակոշիկը» (լուսանկարներ) Կարմիր քարտը չի խանգարել առաջատարի հաղթանակին (տեսանյութ) Ռանյերի. Դոմենեկին կարելի է լսել, երբ խոսում է թատրոնից, ֆուտբոլի մասին` երբեք Ալբերտ Թադևոսյան. Կարծում եմ` երկրպագուները կօգնեն Հայաստանի հավաքականին Չեմպիոնների լիգա. Ռոնալդուն ընտրվել է 5-րդ տուրի լավագույն ֆուտբոլիստ Կուրտուան ցանկանում է Դե Խեայի չափ աշխատավարձ ստանալ «Վալենսիա» – «Բարսելոնա». «Չղջիկները» կխաղան առանց գլխավոր մարզչի Խմբակային բռնաբարություն. Ռոբինյոն դատապարտվել է 9 տարվա ազատազրկման ԱԱ-2018-ի ընտրական փուլ. Ովքե՞ր էին լավագույնները Արոնյանը չի օգտվել առավելությունից (կատարված քայլեր) ԵԼ․ «Միլանը» ջախջախիչ հաղթանակ տոնեց և դուրս եկավ փլեյ-օֆֆ (տեսանյութ) ԵԼ․ «Արսենալը» պարտվեց «Քյոլնին», ԲԱՏԷ-ն և «Ցրվենա Զվեզդան» ոչ-ոքի խաղացին (տեսանյութ) Բավցևիչ. Ալբերտ Թադևոսյանը այսօր պարզապես փայլեց Ընտրական փուլ. Հայաստանը Տիրանայում հաղթեց Ալբանիային Նավասը շարք է վերադարձել Լևանդովսկի. Պետք է ՊՍԺ-ին հաղթենք 4:0 հաշվով Չեֆերին. ՈւԵՖԱ-ն անհանգստացած է «Միլանի» պատճառով «As». «Բարսելոնային» բավարարել է Օզիլի պահանջը Վենգերը գտել է իր հետնորդին Ռոջերս. Խիստ կզարմանամ, եթե ՊՍԺ-ն չհասնի Չեմպիոնների լիգայի եզրափակիչ Անա Իվանովիչն ու Շվայնշտայգերը երեխա են ունենալու Վալվերդե. Մեսսին վնասվածք չուներ Հաղթանակները չեն օգնել. ՖԻՖԱ-ի վարկանիշում Հայաստանը չի առաջադիմել Մոուրինյու. Պարտվեցինք մի խաղում, որի առաջին կեսում պետք է հաշիվը 5:0 լիներ Բյելսան ժամանակավորապես հեռացվել է իր պաշտոնից 20-ամյա սիրավեպ. Բուֆֆոնը հրաժեշտ տվեց Իտալիայի հավաքականին ՊՍԺ-ն 7 գոլ է խփել «Սելթիկին», «Բավարիան» դժվարությամբ հաղթել է «Անդերլեխտին» (տեսանյութ) Չեմպիոնների լիգա. «Մանչեսթեր Յունայթեդը» պարտվել է «Բազելին» (տեսանյութ) Գրիզմանի սուպերգոլը. «Ատլետիկոն» հաղթել է «Ռոմային» (տեսանյութ) «Յուվենտուսն ու «Բարսելոնան» ոչ-ոքի խաղացին, «Սպորտինգը» հաղթեց «Օլիմպիակոսին» (տեսանյութ) «Յուվենտուս» – «Բարսելոնա» հանդիպման մեկնարկային կազմերը Չեմպիոնների լիգա. ԲԿՄԱ-ն փլեյ-օֆֆում հայտնվելու լուրջ քայլ կատարեց (տեսանյութ) «Բազել» – «Մանչեսթեր Յունայթեդ». Մոուրինյուն կրկին անտեսել է Մխիթարյանին «Չելսին» կրկին ջախջախել է «Ղարաբաղին» ու մտել փլեյ-օֆֆ (տեսանյութ) Արոնյանին ոչ-ոքի են «պարտադրել» (կատարված քայլեր) «Բարսելոնան» օգնություն է առաջարկել «Սևիլյային»
website by Sargssyan