Աշխարհի չորրորդ թենիսիստի համար մրցաշրջանն ավարտված է
04/08/2017 23:26
Նմանատիպ
Աշխարհի չորրորդ թենիսիստ, ԱՄՆ-ի բաց առաջնության գործող չեմպիոն Ստեն Վավրինկան այս տարի այլևս կորտ դուրս չի գա: Շվեյցարացին ծնկի վնասվածք ունի, որի կապակցությամբ վիրահատության է ենթարկվելու:
«Ցավով հայտնում եմ, որ թիմիս ու բժիշկների հետ խորհրդակցելուց հետո որոշել եմ ծնկի վիրահատության ենթարկվել: Դա միակ տարբերակն է, որն ինձ հնարավորություն կտա դեռ երկար տարիներ բարձր մակարդակով խաղալ»,- Facebook-ի իր էջում գրել է 32-ամյա թենիսիստը:
Շվեյցարացին մինչև մյուս մրցաշրջանի մեկնարկն ապաքինվելու հույս ունի:
Հետևեք մեզ նաև Telegram-ում