USD
EUR
RUB

Մի Մխիթարյանով գարուն չի գա

Հայաստանի ազգային հավաքականը հերթական անգամ չկարողացավ խոշոր մրցաշարի եզրափակիչ փուլի ուղեգիր նվաճել: Պարտավո՞ր էր։ Ո՛չ: Արդյո՞ք դա մեր ընտրանու ուժերի սահմաններում էր։ Ո՛չ։ Ֆուտբոլիստներն ինչպես հարկն է չնվիրվեցի՞ն։ Ո՛չ, մարզչական շտաբի աշխատա՞նքն էր անհաջող։ Կրկին ո՛չ:

Իսկ ի՞նչն էր պատճառը: Իհարկե, հավաքականի մակարդակը: Պետք չէ խորը փորփրել, անհրաժեշտ է ընդունել այն փաստը, որ Հայաստանի հավաքականն իր այսօրվա կարգով զիջում էր մրցակից 5 թիմերից առնվազն 4-ին՝ Լեհաստանին, Մոնտենեգրոյին, Դանիային և Ռումինիային:

Այն, որ Արթուր Պետրոսյանի գալով հավաքականում մթնոլորտը լավացավ, անհերքելի փաստ է: Թե՛ ֆուտբոլիստները, թե՛ երկրպագուները սիրում և ընդունում են Արթուր Պետրոսյանին: Նրա գլխավորությամբ Հայաստանի հավաքականն անցկացրել է 5 պաշտոնական և 1 ընկերական հանդիպում.

  • Հայաստան - Մոնտենեգրո 3:2
  • Հայաստան - Ղազախստան 2:0
  • Հայաստան - Սենթ-Քիթս և Նևիս - 5:0 (ընկերական)
  • Մոնտենեգրո - Հայաստան 4:1
  • Ռումինիա - Հայաստան - 1:0
  • Հայաստան - Դանիա - 1:4

Պետրոսյանի գլխավորությամբ առաջին իսկ խաղում մեր հավաքականը ֆանտաստիկ քամբեք իրականացրեց: Իհարկե, դա տեղի ունեցավ ավելի շատ էմոցիոնալ ֆոնի վրա, քան Արթուր Պետրոսյանի տակտիկական մտքերի կամ ֆուտբոլիստների խաղամակարդակի հաշվին: Ղազախների դեմ խաղում ֆավորիտ լինելով միևնույնն է, դժվարությամբ հաղթեցինք: Ամբողջ առաջին խաղակեսի ընթացքում ընդամենը մեկ հարված է հետևել Ղազախստանի հավաքականի դարպասին, իսկ գնդակին տիրելու տոկոսային հարաբերությունը՝ 52% մեր հավաքականի օգտին: Երկրորդ խաղակեսի գրեթե միջնամասում մրցակիցը մնաց 10 հոգով, և ի վերջո մեր հավաքականին հաջողվեց հաղթանակ կորզել՝ 3 րոպեում 2 գոլ խփելով:

Էկզոտիկ անվանմամբ հավաքականի դեմ հանդիպումը նույնիսկ քննարկման ենթակա չէ, իսկ դրանից հետո սկսվեց այն, ինչ սպասվում էր՝ 3 անընդմեջ պարտություն: Իսկ ո՞վ է ասել, որ Հայաստանի հավաքականը կարող է, ավելին, պարտավոր է հաղթել Ռումինիայի, Դանիայի կամ Մոնտենեգրոյի կարգի թիմերին: Ճիշտ է, անակնկալներ երբեմն լինում են, բայց պետք է մոռանալ դրանց մասին և անցնել առաջ: Կարիք չկա վերհիշել դանիացիների նկատմամբ տոնած 4:0 հաշվով արտագնա հաղթանակն ու պահանջել մեր ընտրանուց, որ տնային խաղում էլ հաղթեն նույն հաշվով: Այս պահին դա գործնականում անհնար է:

Հայաստանի հավաքականի կազմը

Վերջին երկու խաղերի համար հավաքական էին հրավիրվել արտերկրում խաղացող 16 և Հայաստանի Բարձրագույն խմբում հանդես եկող 8 ֆուտբոլիստ: Դանիայի դեմ խաղում մեր հավաքականի մեկնարկային կազմում տեղ էին գտել Հայաստանի առաջնությունը ներկայացնող 4 ֆուտբոլիստներ՝ Գրիգոր Մելիքսեթյան, Լևոն Հայրապետյան, Արտակ Եդիգարյան և Արտակ Գրիգորյան: Հանդիպման ընթացքում վնասվածք ստացած Հայրապետյանին էլ փոխարինեց Գագիկ Դաղբաշյանը: Իսկ հիմա հարց. ի՞նչպես պետք է Հայաստանի առաջնությունում հանդես եկող 5 ֆուտբոլիստներ փորձեին չեզոքացնել Քրիստիան Էրիկսենին:



Հովհաննես Համբարձումյանը, լինելով աջ պաշտպան, խաղում էր պաշտպանության կենտրոնում: Այդպես էլ անհասկանալի մնաց Արթուր Պետրոսյանի կողմից ընտրված 3 կենտրոնական պաշտպանով խաղային սխեման օգտագործելու դրդապատճառը: Համբարձումյանը, կենտրոնում խաղալով, չէր կարողանում միանալ գրոհներին, իսկ պաշտպանվելիս հայտնվում իրեն անսովոր դիրքում՝ բարձրահասակ մրցակիցների դեմ:

Մխիթարյանի պասիվությո՞ւնը

Անիմաստ խոսակցություններ... Հենրիխ Մխիթարյանը հավաքականին տվել է ամեն ինչ՝ ցանկություն, պայքար, գոլեր, փոխանցումներ, հավատ: Եթե այսպես շարունակվի և ամեն երկրորդ խաղից հետո Մխիթարյանի հասցեին քննադատող մեկնաբանություններ հնչեն, գուցե Հենրիխի համբերության բաժակն էլ լցվի: Այո՛, նա երկրպագուներին ոչինչ պարտք չէ: Մի Մխիթարյանով գարուն չի գա: Պետք չէ հույսը դնել միայն Մխիթարյանի վրա և հիասթափվելու կամ ձախողվելու դեպքում միանգամից մեղադրել նրան:

Պետրոսյանի տակտիկական գաղափարնե՞րը

Տակտիկա, գաղափարներ Հայաստանի հավաքականում․․․ Համաձայնեք, որ փոքր-ինչ տաօրինակ է հնչում: Անհնար է, որ Պետրոսյանը տարատեսակ սխեմաներ և մարտավարություններ ուսումնասիրած չլինի, իսկ թե ինչո՞ւ չի հաջողվել դրանք կյանքի կոչել, փորձեք կռահել մեկ անգամից:

Ելք՝ ստեղծված իրավիճակից

Հաջորդ ընտրական փուլում հաջողության հասնելու մի փոքր հույս ունենալու համար անհրաժեշտ է՝

1) Արտերկրում հանդես եկող ֆուտբոլիստները ստանան կայուն խաղաժամանակ, որը կօգնի նրանց զարգանալ, հասունանալ։

2) Հայաստանի առաջնության ֆուտբոլիստները կարողանան տեղափոխվել ավելի մրցունակ առաջնություններ:

3) Ընտրել այս հավաքականի կորիզն ու փորձել բարձրացնել ֆուտբոլիստների համագործակցության մակարդակը:

Վերջաբանի փոխարեն

Շատ հեշտ է տրիբունայից, մեդիա գոտուց, պաշտոնական օթյակից, հեռուստացույցի դիմացից, մեկնաբանական խցիկից բղավել՝ «խփի՛, տո՛ւր, արա աջ, ի՞նչ ես անում, դե խաղա էլի․․․»: Շատերը մոռանում են, որ ֆուտբոլիստները ևս մարդիկ են՝ մսից և արյունից: Անկախ ամեն ինչից, պետք է միշտ աջակցել ազգային հավաքականին: Մի օր էլ մենք՝ հայերս, կրպակից կգնենք միջազգային որևէ խոշոր մրցաշարի եզրափակիչ փուլի պաստառ և խմբերից մեկում կտեսնենք Հայաստանի հավաքականի առկայությունը:

 


Միհրան Ալեքսանյան

Լրահոս
ՀՖՖ. Արկադի Անդրեասյանը երկու տարով որակազրկվել է Կիսաեզրափակիչ. Վարշե Լագրավ – Արոնյան պատասխան պարտիայի ելքը որոշվել է 19 քայլում Իսպանական ակումբը տուգանվել է ցածր հաճախելիության համար Վալդանո․ Ասենսիոն պարզ և խելացի ֆուտբոլ է ցուցադրում Լևանդովսկին մեկնաբանել է «Բավարիայից» հեռանալու վերաբերյալ լուրերը «Երևան Օփեն»․ մեկնարկային տուրի արդյունքները Վալվերդեն բացատրել է՝ ինչու Սուարեսը չի մասնակցել «Էյբարի» հետ խաղին Ռոջեր Ֆեդերերը՝ աշխարհի ամենաբարձր վարձատրվող թենիսիստ Մոուրինյուն չորս ֆուտբոլիստի հանգստի հնարավորություն է տվել Զիդան․ Սուլոցներն օգնել են ինձ «Բարսելոնան» 5-րդ հաղթանակը տոնեց, Մեսսին պոկեր ձևակերպեց (տեսանյութ) Լիգայի գավաթ․ «Տոտենհեմը» դուրս եկավ չորրորդ փուլ (տեսանյութ) «Ինտերի» առաջին սայթաքումը (տեսանյութ) Լիգայի գավաթ․ «Լեսթերը» պայքարից դուրս թողեց «Լիվերպուլին» (տեսանյութ) «Բավարիան» արտագնա խաղում հաղթեց «Շալկեին» (տեսանյութ) «Վալենսիան» ջախջախեց «Մալագային», Ձաձան՝ հեթ-տրիկի հեղինակ (տեսանյութ) Թոփ-5 լիգաներ. Վերջին 100 խաղերում ամենաշատ միավոր վաստակած մարզիչները «Golden Boy»-ի թեկնածուները. Վահան Բիչախչյանը վերջնական ցուցակում չկա Դեմբելեի վիրահատությունը հաջող է անցել Ֆերդինանդը բռնցքամարտիկ է դարձել (ծաղրանկար) «Շիրակն» ապացույց է ներկայացրել. 9 րոպեի փոխարեն ավելացվել է 3 րոպե (տեսանյութ) ԱԳ․ Արոնյան-Վարշե Լագրավ պարտիայի արդյունքը (կատարված քայլեր) «Գրեթե մեռած էի». Ֆուտբոլիստ, ով 90 րոպե խաղացել է 40 աստիճան ջերմությամբ «Տևեսը չարդարացեց մեր սպասելիքները». Չինաստանում դժգոհ են «Բավարիան» հայտնել է Նոյերի ապաքինման ժամկետը «Մանչեսթեր Սիթին» կրկնապատկելու է Ժեզուսի ու Դե Բրյունեի աշխատավարձերը «L'Equipe». Հանդերձարանում Նեյմարն ու Կավանին մոտ են եղել ծեծկռտուք սկսելուն «Բարսելոնան» 220 միլիոն եվրո էր առաջարկել «Ատլետիկոյի» 2 ֆուտբոլիստի համար Մելանյա Ստեփանյան. Կարիք չկա բացատրել վարկանիշային մրցաշարի կարևորությունը «Մանեի ոճը». Նաբի Կեյտան որակազրկվել է (տեսանյութ) Շանտաժ. 100 հազար եվրո` Դեշամի մասին խոսքերը չհրապարակելու համար «Վոլֆսբուրգը» նոր մարզիչ ունի (լուսանկար) «Bild». Նոյերը կրկին ոտքի կոտրվածք է ստացել «Ռեալն» ու Կարվախալը նոր պայմանագիր են ստորագրել (լուսանկարներ) Նոր մրցաշրջանում հայկական ֆուտբոլի ամենասպասված խաղերից մեկը Հեղինակության պայքար. ՊՍԺ-ի աստղերը սկսել են վիճել (տեսանյութ) Հովհաննես Դավթյան. Մեդալից գոհ եմ՝ չնայած... Լա լիգա. մարզչական առաջին պաշտոնանկությունը «Լիվերպուլը» չեմպիոն չի դառնա. կա որոշիչ պատճառ Բասկետբոլ. Եվրոպան նոր չեմպիոն ունի (տեսանյութ)
website by Sargssyan