Չեմպիոնը կրկին միավորներ կորցրեց․ «Ռեալ» – «Լևանտե»՝ 1։1 (տեսանյութ)
Նմանատիպ
Իսպանիայի առաջնության երրորդ տուրում գործող չեմպիոն Մադրիդի «Ռեալը» հյուրընկալեց «Լևանտեին» և չկարողացավ հաղթանակի հասնել։
Առաջին կեսում «սերուցքայիններն» ունեին զգալի առավելություն, սակայն առաջինը գոլ բաց թողեցին․ 12-րդ րոպեին հյուրերին առաջ մղեց Իվան Լոպեսը։ Նախքան ընդմիջում Զինեդին Զիդանի սաներին հաջողվեց պատասխան գոլ խփել․ 36-րդ րոպեին աչքի ընկավ Լուկաս Վասկեսը։
Երկրորդ կեսում «Ռեալի» ֆուտբոլիստների՝ հաշվի մեջ առաջ անցնելու բոլոր ջանքերն ապարդյուն անցան, և հանդիպումն ավարտվեց 1։1 հաշվով։ Ավելին, «Ռեալը» խաղն ավարտեց 10 ֆուտբոլիստով․ 89-րդ րոպեին Լերմային նկատմամբ կանոնները խախտելու համար կարմիր քարտ ստացավ Մարսելոն։
Սա «Ռեալի» համար երկրորդ անընդմեջ տնային ոչ-ոքին էր․ նախորդ տուրում մադրիդյան թիմը չէր կարողացել հաղթել «Վալենսիային»։ Այս հանդիպումից հետո և՛ «Ռեալը», և՛ «Լևանտեն» ունեն 5 միավոր։
Իսպանիայի առաջնություն, երրորդ տուր
«Ռեալ» – «Լևանտե»՝ 1։1
Գոլերը՝ Վասկես 36՛ – Լոպես 12՛
Հեռացում՝ Մարսելո 89՛