Մխիթարյան. Կարծում եմ` վաղը հայերի կողմից մեծ աջակցություն կստանամ
26/09/2017 18:37
Նմանատիպ
Հայաստանի հավաքականի ու «Մանչեսթեր Յունայթեդի» կիսապաշտպան Հենրիխ Մխիթարյանը ներկա է եղել Չեմպիոնների լիգայի խմբային փուլի երկրորդ տուրի՝ Մոսկվայի ԲԿՄԱ-ի հետ կայանալիք արտագնա հանդիպման նախախաղյա ասուլիսին:
28-ամյա ֆուտբոլիստը հայտնել է, որ հայ երկրպագուներից մեծ աջակցություն է սպասում:
«Նախորդ մրցաշրջանում մենք մրցում էինք «Ռոստովի» հետ: Հաճելի էր այդ քաղաքում հայ երկրպագուների կողմից ստացած մեծ աջակցությունը: Կարծում եմ` վաղը նույնը կլինի Մոսկվայում: Ամեն ինչ կանեմ երկրպագուներին ուրախացնելու և գոլ խփելու համար»,- ասել է Հենրիխը:
ԲԿՄԱ – «Մանչեսթեր Յունայթեդ» հանդիպումը կկայանա սեպտեմբերի 27-ին և կմեկնարկի Երևանի ժամանակով 22:45-ին:
Հետևեք մեզ նաև Telegram-ում