Նադալը մեկնարկեց կամային հաղթանակով. նրա հաջորդ մրցակիցը հայ է (տեսանյութ)
Նմանատիպ
Պեկինում ընթացող ATP 500 կարգի մրցաշարում Ռաֆայել Նադալը մեկնարկել է հաղթանակով:
Իսպանացին մրցել է Լուկա Պյուիլի հետ ու առաջին սեթում զիջել ֆրանսիացուն: Հաջորդ երկու խաղափուլերում «Ռաֆան» ծանր հաղթանակներ է տոնել: Գրանցվել է 4:6, 7:6(6), 7:5:
2 ժամ 33 րոպե տևած մրցախաղում ընդամենը երկու բրեյք է գրանցվել:
Տեսանյութը կարող եք դիտել նաև այստեղ
Նադալի հաջորդ մրցակիցը դառնալու է Ռուսաստանը ներկայացնող հայ թենիսիստ Կարեն Խաչանովը: Վերջինս վստահորեն` 6:4, 6:2 հաշվով պարտության է մատնել չինացի Ու Դիին:
Նախկինում Նադալը Կարենին հանդիպել է միայն մեկ անգամ` 2017 թվականի «Ուիմբլդոնում» ու հաղթել է 3:0 հաշվով:
Այսօր հաջորդ փուլի ուղեգիր են նվաճել նաև Գրիգոր Դիմիտրովը, Նիք Կիրյոսը, Լեոնարդո Մայերը, Խուան Մարտին դել Պոտրոն, Ջոն Իզները, Անդրեյ Ռուբլյովը և Թոմաշ Բերդիխը:
Խաղային օրվա վերջին մրցավեճում մրցելու են Ալեքսանդր Զվերևն ու Կալյ Էդմունդը:
Հետևեք մեզ նաև Telegram-ում