Լեհաստանի հավաքականն աշխարհի առաջնության ուղեգիր նվաճեց (տեսանյութ)
Նմանատիպ
Աշխարհի 2018 թվականի առաջնության ընտրական փուլի 10 խաղում Լեհաստանի հավաքականը վաստակեց 25 միավոր, գլխավորեց Е խմբի մրցաշարային աղյուսակը և Ռուսաստանում կայանալիք Մունդիալին մասնակցելու ուղեգիր ստացավ։ Լեհաստանն իր պատմության մեջ 8-րդ անգամ կմասնակցի աշխարհի առաջնությանը։
Վերջին տուրում Ադամ Նավալկայի թիմը հյուրընկալեց Մոնտենեգրոյի ընտրանուն և 4։2 հաշվով հաղթանակ տոնեց։ Լեհերի կազմում մեկական գոլ խփեցին Կշիշտոֆ Մաչինսկին, Կամիլ Գրոսիցկին և Ռոբերտ Լևանդովսկին, մեկ անգամ էլ հյուրերից գնդակը սեփական դարպասն ուղարկեց Ֆիլիպ Ստոյկովիչը։ Մոնտենեգրոյի գոլերը խփեցին Ստեֆան Մուգոշան և Նիկոլա Վուկչևիչը։
Զուգահեռաբար ընթացող Դանիա – Ռումինիա հանդիպումն ավարտվեց 1։1 հաշվով։ 59-րդ րոպեին Դանիային առաջ մղեց Կրիստիան Էրիկսենը, իսկ պատասխան գոլը 88-րդ րոպեին խփեց Չիբիան Դայկը։
Խմբի երրորդ՝ Ղազախստան – Հայաստան հանդիպումը ևս ավարտվել է 1։1 հաշվով։
E խմբի մրցաշարային աղյուսակի վերջնական տեսքը
- Լեհաստան – 25 միավոր
- Դանիա – 20
- Մոնտենեգրո – 16
- Ռումինիա – 13
- Հայաստան – 7
- Ղազախստան – 3
Հիշեցնենք, որ Մունդիալի եզրափակիչ փուլի ուղեգիր են ստանում խմբերի առաջին հորիզոնականները զբաղեցրած թիմերը, իսկ 9 խմբերի երկրորդ հորիզոնականը զբաղեցրած 8 լավագույն հավաքականները մասնակցում են անցումային խաղերի։
ԱԱ-2018, ընտրական փուլ, 10-րդ տուր
Լեհաստան – Մոնտենեգրո՝ 4։2
Գոլերը՝ Մաչինսկի 6՛, Գրոսիցկի 16՛, Լևանդովսկի 85՛, Ստոյկովիչ 87՛ / ինքնագոլ – Մուգոշա 78՛, Վուկչևիչ 83՛
Տեսանյութը կարող եք դիտել այս հղմամբ
Դանիա – Ռումինիա՝ 1։1
Գոլերը՝ Էրիկսեն 59՛ / 11-մետրանոց – Դայկ 88՛
Հեռացում՝ Գանյա 63՛
Տեսանյութը կարող եք դիտել այս հղմամբ
Հետևեք մեզ նաև Telegram-ում