Իսլանդիան նվաճեց եզրափակիչ փուլի ուղեգիր. որոշիչ խաղում Խորվաթիան հաղթեց Ուկրաինային (տեսանյութ)

Աշխարհի առաջնության ընտրական փուլի եվրոպական գոտու «I» խմբում կայացել է վերջին տուրը:

Իսլանդիան սեփական հարկի տակ 2:0 հաշվով հաղթել է Կոսովոյին: Գոլերի հեղինակ են դարձել Գիլֆի Սիգուրդսոնը և Յոհան Գուդմունդսոնը:

Այսպիսով, կղզիաբնակ թիմը վաստակեց 22 միավոր և դարձավ խմբի հաղթող: Իսլանդացիներն իրանց պատմության ընթացքում առաջին անգամ նվաճեցին Մունդիալի ուղեգիր:

Տեսանյութ

Երկրորդ տեղի համար պայքարում որոշիչ էր Ուկրաինա – Խորվաթիա հանդիպումը: Երկու թիմերն էլ ունեին հավասար միավորներ: Բալկանները մրցակցի հարկի 2:0 հաշվով հաղթել են Անդրեյ Շևեվչենկոյի թիմին: Դուբլի հեղինակ է դարձել Անդրեյ Կրամարիչը: «Հոֆենհայմի» հարձակվողին մեկական գոլային փոխանցում են կատարել Լուկա Մոդրիչն ու Իվան Ռակիտիչը:

Խորվաթիան վաստակեց 20 միավոր և կմասնակցի անցումային հանդիպումներին:

Տեսանյութ

Խմբի վերջին մրցավեճում Ֆինլանդիան ու Թուրքիան երկուական գնդակ են խփել` 2:2: