USD
EUR
RUB

Մեսսիի հանճարեղ խաղի շնորհիվ Արգենտինան Մունդիալում է, Չիլին դուրս մնաց պայքարից (տեսանյութ)

Ավարտվեց Աշխարհի 2018 թվականի առաջնության ընտրական փուլի հարավամերիկյան գոտու խմբային մրցաշարը: 

Վերջին` 18-րդ տուրում Արգենտինային արտագնա հաղթանակ էր հարկավոր Էկվադորի նկատմամբ, որպեսզի եզրափակիչ փուլի ուղեգիր նվաճեր կամ նվազագույնն անցումային խաղերի մասնակցեր: «Ալբիսելեստեն» կամային հաղթանակ տարավ 3:1 հաշվով: Հեթ-տրիկի հեղինակ դարձավ թիմի առաջատար Լիոնել Մեսսին (12, 20 և 62 րոպեներ): «Բարսելոնայի» հարձակվողի առաջին գոլն Անխել Դի Մարիայի հետ «պատ» խաղարկելուց հետո է գրանցվել, երկրորդը` գնդակը դարպասի վերին անկյունը մխրճելով, իսկ երրորդը` օդապարիկային հարվածով: Տանտերերի կազմում առաջին րոպեին աչքի է ընկել Ռոմարիո Իբորան:

Արգենտինան վաստակեց 28 միավոր, գրավեց 3-րդ տեղը և նվաճեց Մունդիալի ուղեգիր:

Խաղի տեսաամփոփումը ներկայացված է այս հղմամբ։

Ռուսաստանում կայանալիք առաջնությանը չի մասնակցելու Կոպա Ամերիկայի վերջին երկու խաղարկությունների չեմպիոն, Կոնֆեդերացիաների գավաթի եզրափակչի մասնակից Չիլին: Խուան Անտոնիո Պիցիի թիմը հյուրընկալվելիս 0:3 հաշվով զիջել է ընդգծված առաջատար Բրազիլիային: «Սելեսաոյի» կազմում հաշիվը բացել է Պաուլինյոն (55), այնուհետև Գաբրիել Ժեզուսը երկու անգամ գրավել է անպաշտպան դարպասը (57, 90+3): Չիլին 26 միավորով նահանջել է 6-րդ տեղ ու դուրս մնացել հետագա պայքարից:

Տեսանյութ



Տուրի մեկ այլ որոշիչ խաղում մրցել են Պերուն և Կոլումբիան: Չիլիի պարտության պարագայում այդ թիմերին ձեռնտու է եղել ոչ-ոքի արդյունքը, որը գրանցվել է` 1:1: Խամես Ռոդրիգեսի գնդակին (56) պատասխանել է Պաոլո Գերեյրոն (76): Այսպիսով, Կոլումբիան (27 միավոր) զբաղեցրեց 4-րդ տեղը և մեկնում է Ռուսաստան, իսկ հինգերորդ հորիզոնականում հայտնված Պերուն (26) Նոր Զելանդիայի հետ կմասնակցի անցումային հանդիպումների:

Աշխարհի առաջնության ուղեգրին կարող էր արժանանալ նաև Պարագվայը (24 միավոր), եթե սեփական հարկի տակ հաղթեր Վենեսուելային, սակայն դա նրանց չի հաջողվել: Հյուրերն առավելության են հասել 1:0 հաշվով: Միակ գնդակը 84-րդ րոպեին հեղինակել է Յանգել էրերան: Երկու թիմերը հանդիպումն ավարտել են 10-ական ֆուտբոլիստով (կարմիր քարտեր):

Վերջին խաղում երկրորդ տեղում ընթացող Ուրուգվայը 4:2 հաշվով պարտության է մատել Բոլիվիային: Մարտին Կասերեսի (39), Էդինսոն Կավանիի գոլերին ու Լուիս Սուարեսի դուբլին (60, 76) հյուրերը պատասխանել են «սելեստեի» երկու ինքնագոլերով: Ուրուգվայցիներից սեփական դարպասն են գրավել Գաստոն Սիլվան (24) և Դիեգո Գոդինը (79):

Տեսանյութ



Հարավամերիկյան գոտու թիմերի վերջնական միավորները.

1. Բրազիլիա` 41

2. Ուրուգվայ` 31

3. Արգենտինա` 28

4. Կոլումբիա` 27

5. Պերու` 26, գոլերը` 27:26

6. Չիլի` 26 գոլերը` 26:27

7. Պարագվայ` 24

8. Էկվադոր` 20

9. Բոլիվիա` 14

10. Վենեսուելա` 12

Լրահոս
Մահրեզը փրկել է «Լեսթերին» (տեսանյութ) Լա լիգա. Տուրի վերջին խաղում 7 գոլ է գրանցվել (տեսանյութ) Տոտտի. Ռոնալդուն, Մեսսին ու Նեյմարն ֆուտբոլային այլմոլորակայիններ են Զիդան. Քեյնը կատարյալ հարձակվող է Գվարդիոլա. Աշխարհում միայն մեկ ֆուտբոլիստ է Դե Բրյունեից լավ խաղում Ջախջախիչ պարտություն Թուրքիայից Մորատան սպասվածից շուտ է ապաքինվել Արսեն Ջուլֆալակյանը նորամուտն է նշել ֆրանսիական լիգայում (լուսանկար) 6,5 ամիս անց Գևորգ Ղազարյանը վերադարձավ մարզումներին (տեսանյութ) Հայաստանի հավաքականը կանցկացնի ևս մեկ ընկերական հանդիպում Մոնտելա. Ավելի լավ էր այդ ամենը չտեսնեի Ռոնալդինյոն` «Բարսելոնայից» հեռանալու պատճառի մասին ՖԻՖԱ-ի վարկանիշ. Հայաստանի նահանջը Եվրոպայի առաջնություն. Հայաստանի երիտասարդական հավաքականի կազմը Մեսսին երրորդ անգամ հայր կդառնա (լուսանկար) ՈւԵՖԱ-ի գավաթ. «Լեոյի» կամային հաղթանակը «Վալենսիան» հաղթեց «Բետիսին» և բարձրացավ երկրորդ հորիզոնական (տեսանյութ) Իկարդիի հեթ-տրիկի շնորհիվ «Ինտերը» հաղթեց «Միլանին» (տեսանյութ) «Ինտեր» – «Միլան». Թիմերի մեկնարկային կազմերը «Ալաշկերտը» նվազագույն հաշվով հաղթեց «Փյունիկին» (տեսանյութ) Զինեդին Զիդանը հատեց 100-ի շեմը Մոուրինյուն մտադիր չէ կարիերան «Մանչեսթեր Յունայթեդում» ավարտել Կոնտե․ Միաժամանակ սիրում և ատում եմ մարզչական աշխատանքը Կեյլոր Նավասը վերսկսել է մարզումները Կլոպ․ «Մանչեսթեր Յունայթեդը» պարզապես ցանկանում էր միավոր վաստակել Շարապովան վերադարձից հետո առաջին տիտղոսն է նվաճել Ֆեդերերը հաղթել է Նադալին ու դարձել չեմպիոն (տեսանյութ) Լա լիգա. Վերջին 15 խաղում «Ատլետիկոն» չի հաղթել «Բարսելոնային» Վերջին 6 մրցաշրջանի գոլային փոխանցումներ. Դե Բրյունեն հավասարվեց առաջատարին «Նապոլին» 8-րդ անընդմեջ հաղթանակը տոնեց (տեսանյութ) «Բարսելոնան» առաջին միավորները կորցրեց՝ ոչ-ոքի խաղալով «Ատլետիկոյի» հետ (տեսանյութ) Թենիսիստ Արթուր Սողոյանը դարձել է միջազգային մրցաշարի հաղթող «Բորուսսիան» առաջին պարտությունը կրեց Բունդեսլիգայում (տեսանյութ) «Արսենալը» պարտվեց «Ուոտֆորդին» (տեսանյութ) Հայտնի են «Ատլետիկո» - «Բարսելոնա» հանդիպման մեկնարկային կազմերը «Լացիոն» կամային հաղթանակ տոնեց «Յուվենտուսի» նկատմամբ (տեսանյութ) «Ռեալը» գերազանցել է «Բարսելոնայի» ռեկորդը Մենյեի դուբլի շնորհիվ «Պարի Սեն Ժերմենը» հաղթեց «Դիժոնին» (տեսանյութ) «Գանձասար Կապանը» հաղթեց և հավասարվեց «Բանանցին» (տեսագրություն) «Ռեալն» արտագնա հաղթանակ տոնեց «Խետաֆեի» նկատմամբ (տեսանյութ)
website by Sargssyan