Ռոնալդինյոն` «Բարսելոնայից» հեռանալու պատճառի մասին
16/10/2017 14:25
Նմանատիպ
«Բարսելոնայի» նախկին հարձակվող Ռոնալդինյոն ասել է, որ 2008 թվականին կատալոնական ակումբից հեռանալու պատճառը կապված չի եղել թիմի նոր գլխավոր մարզիչ Խոսեպ Գվարդիոլայի հետ:
«Պարզապես որոշեցի հեռանալ ակումբից, քանի որ նոր մարտահրավերի կարիք ունեի: Գվարդիոլայի հետ հիանալի հարաբերությունների մեջ էինք:
Սուտ է, որ կորցրել էի ֆուտբոլի հանդեպ կիրքը: «Բարսելոնայից» հետո շարունակել եմ հաղթել: «Ատլետիկո Մինեյրոյի» հետ նվաճել եմ Լիբերտադորեսի գավաթը, իսկ «Ֆլամենգոյի» կազմում 7 ամիս անպարտելի մնացել: «Կերետարիոյի» հետ էլ հաղթանակել եմ Մեքսիկայի գավաթում: Ոչնչի համար չեմ զղջում»,- բրազիլացու խոսքն է մեջբերում marca.com-ը:
Հիշեցնենք, որ աշխարհի նախկին լավագույն ֆուտբոլիստը «բլաուգրանայից» տեղափոխվել է «Միլան»:
Հետևեք մեզ նաև Telegram-ում