Սիմոն Մարտիրոսյանը դարձավ Եվրոպայի չեմպիոն

Ալբանիայի Դուրես քաղաքում ընթացող ծանրամարտի Եվրոպայի երիտասարդական առաջնությունում պայքարն ավարտեցին մինչև 20 տարեկան +105 կգ քաշային երիտասարդները:

Մրցակիցների նկատմամբ բացահայտ առավելությամբ չեմպիոնի կոչումը նվաճեց Սիմոն Մարտիրոսյանը, ով նաև երկամարտում այս տարիքային խմբի Եվրոպայի նոր ռեկորդ սահմանեց (433 կգ):

Մարտիրոսյանը պոկում վարժությունում առաջին իսկ մոտեցմամբ՝ 186 կգ, անհասանելի դարձավ մրցակիցների նկատմամբ, ապա հաջողությամբ կատարեց 192 կգ և 197 կգ մոտեցումները։ Սիմոնը մրցակցությունից դուրս էր նաև հրում վարժությունում (236 կգ):

Աղբյուր՝ ՀԱՕԿ լրատվական