Times.am | Մարզչական նոր նշանակումներ բռնցքամարտում
USD
EUR
RUB

Մարզչական նոր նշանակումներ բռնցքամարտում

 
 

Օլիմպավանում կայացել է Հայաստանի բռնցքամարտի ֆեդերացիայի 10-րդ համաժողովը: Հայաստանի բոլոր տարիքային հավաքականների մարզիչները, մարզերի պատասխանատուները տարեկան հաշվետվություն են ներկայացել համաժողովին: Այդ մասին գրում է ՀԱՕԿ-ի պաշտոնական կայքը:

Ներկաները քննարկել են բռնցքամարտում առկա խնդիրները, դրանց լուծման տարբերակները, 2018 թվականի ծրագրերը: Ֆեդերացիայի նախագահ Արթուր Գևորգյանն իր գոհունակությունն է հայտնել ազգային թիմի գլխավոր մարզիչ Դավիթ Թորոսյանին։

«Այս տարի պրոֆեսիոնալ ռինգում հաստատվեցին մեր երեք բռնցքամարտիկները: Ընդհանուր առմամբ նրանք անցկացրին 14 մենամարտ, բոլորը հաղթանակով, որից 12-ը ավարտեցին ժամանակից շուտ: Նրանք կշարունակեն մրցել նաև սիրողական բռնցքամարտում: Հավաքականի աշխատանքը գնահատում եմ լավ՝ վերջին տարիներին մենք նման արդյունք չենք ունեցել: Կարծում եմ՝ Հովհաննես Բաչկովը դեռ իր խոսքը կասի սիրողական բռնցքամարտում:

Երիտասարդական հավաքականը Եվրոպայի առաջնությունում մեդալներ չունեցավ, սակայն թիմից դժգոհ չեմ, ինչպես նաև բավարար եմ գնահատում ավագ պատանիների ու կրտսեր պատանիների թիմերի աշխատանքը»,- ասել է ֆեդերացիայի նախագահը:

Արթուր Գևորգյանը նշել է, որ 2018 թվականն ազգային հավաքականի համար մեծամասամբ պատրաստական աշխատանքների տարի կլինի: Նրանք կմասնակցեն ընկերական մրցաշարերի, լավագույն մարզավիճակ ձեռք կբերեն, որ 2019 թվականին կարողանան պայքարել օլիմպիական խաղերի ուղեգրերի համար, իսկ հաջորդ տարվա կարևորագույն մրցումը կլինի Մ-22 տարեկանների Եվրոպայի առաջնությունը:

Ֆեդերացիայի նախագահը հայտնել է, որ տարվա վերջին բոլոր մարզիչները պետք է հանձնեն գործնական քննություն: Մարզչական աշխատանքը կկարողանան շարունակել այն մասնագետները, որոնք հաջող կհանձնեն քննությունը և ֆեդերացիայի կողմից համապատասխան որակավորում կստանան.

«Մենք շատ ենք հեռացել հայկական դասական բռնցքամարտից: Ունենում ենք Հայաստանի չեմպիոն, որը գալիս է հավաքական և չի տիրապետում տարրական հնարքների: Կարծում եմ՝ մարզիչների քննությունը մեզ կօգնի այս հարցը կարգավորել»:

Ֆեդերացիայի նախագահը նաև մարզչական նոր նշանակումներ է կատարել: Ազգային հավաքականը կշարունակի գլխավորել Դավիթ Թորոսյանը, իսկ նրան կօգնի Վահան Ադիլխանյանը: Երիտասարդական հավաքականի ավագ մարզիչ է նշանակվել Կարեն Աղամալյանը, ում օգնականը կլինի Ռիոյի օլիմպիական խաղերի մասնակից Վլադիմիր Մարգարյանը: Ավագ պատանիների թիմն այսուհետ կմարզեն Արտյոմ Սիմոնյանն ու Ռոբերտ Պետրոսյանը: Կրտսեր պատանիների թիմը կշարունակի աշխատել Աշոտ Ավետիսյանի ղեկավարությամբ: Կանանց հավաքականի գլխավոր մարզիչ է նշանակվել Խաչիկ Խաչատրյանը։

«Այժմ հավաքականներում աշխատելու հնարավորություն տալիս ենք նաև երիտասարդներին: Նրանք շատ լավ բռնցքամարտիկներ են եղել, կարծում եմ հաջող կլինի նաև մարզչական գործունեությունը»,- ասել է Արթուր Գևորգյանը:

ՀԲՖ նախագահը տեղեկացրել է, որ հավաքականների մարզիչները չեն կարող ունենալ անձնական նոր սաներ (այսպիսով հնարավոր կլինի խուսափել սուբյեկտիվությունից), սակայն մարզիչները չեն թողնի այն բռնցքամարտիկներին, որոնց հետ աշխատում են տարիներ շարունակ:

Լրահոս
Շվեդիա-Անգլիա. Մեկնարկային կազմերը հայտնի են Մեծ հաճույքով եմ եկել Հայաստան. Կաֆու Մեծ պատիվ է Երևանում մասնակցել Լեգենդերի խաղին. Աշխարհի չեմպիոն Կանդելա Թենիսիստ Ռոջեր Ֆեդերերը պատմական արդյունքի է հասել Ուիմբլդոնի հերթական հաղթանակից հետո Բելգիան պատմության մեջ երկրորդ անգամ դուրս եկավ կիսաեզրափակիչ՝ հաղթելով Բրազիլիային. Մունդիալ-2018 «Ալաշկերտն» ավարտեց ուսումնամարզական հավաքը Ֆուտբոլի աշխարհի առաջնության քառորդ եզրափակիչի բոլոր զույգերը Կոլումբիա-Անգլիա խաղի լավագույն ֆուտբոլիստը հայտնի է Սալահը երկարաձգել է պայմանագիրը «Լիվերպուլ»-ի հետ Արգենտինայի մարզիչը կհեռանա Ուրուգվայ-Պորտուգալիա. մեկնարկային կազմերը հայտնի են Ֆրանսիա-Արգենտինա խաղի լավագույն ֆուտբոլիստը հայտնի է Ֆրանսիա-Արգենտինա. մեկնարկային կազմերը ՖԻՖԱ-ն դադարեցրել է համագործակցությունը Մարադոնայի հետ. ԶԼՄ-ներ Լևոն Արոնյանը կրկին դուրս մնաց ՖԻԴԵ-ի դասակարգման աղյուսակի լավագույն տասնյակից Բռնցքամարտիկ Նարեկ Աբգարյանը նվաճեց WBC International Silver գոտին Հայկ Մարտիրոսյանը հաղթեց Կարեն Ասրյանի հուշամրցաշարում «Բանանց»-ը 2:2 հաշվով է ավարտել հանդիպումն Ուզբեկստանի չեմպիոնի հետ Բռնցքամարտիկ Նարեկ Աբգարյանը կմենամարտի WBC International Silver գոտու համար Գևորգ Ղազարյանը հեռացել է «Մարիտիմու»-ից Սերբիա-Բրազիլիայի խաղի լավագույն ֆուտբոլիստը հայտնի է Մեղադրանք է առաջադրվել «Շիրակ» ֆուտբոլային ակումբի մարզչական տնօրենին Ֆրանսիան բարդ մրցակից է. Իգուաին Հրանտ Մելքումյանը Կարեն Ասրյանի հուշամրցաշարի երկու առաջատարից մեկն է Մունդիալ-2018. ինչ խաղեր կան այսօր Մունդիալի փլեյ-օֆֆում թիմերը կխաղան այլ գնդակով Արգենտինա-Նիգերիա խաղի լավագույն ֆուտբոլիստը հայտնի է Արգենտինայի վերջին հնարավորությունը. ինչ խաղեր կան այսօր «Ալաշկերտ»-ը հավաք է անցկացնում Մինսկում 5 շախմատիստ գլխավորում են Կարեն Ասրյանի հուշամրցաշարի աղյուսակը Մատս Հյումելսը մարզվել է ընդհանուր խմբի հետ «Շիրակ» ֆուտբոլային ակումբի մարզիչը կասկածվում է մրցակից ակումբի ֆուտբոլիստին կաշառելու մեջ Լեհաստան-Կոլումբիա. մեկնարկային կազմերը հայտնի են Ճապոնիա-Սենեգալ խաղն ավարտվեց ոչ-ոքի. H խումբ Ռոման Բերեզովսկին կմասնակցի Լեգենդների խաղին Մալդինիի, Կրեսպոյի, Բատիստուտայի հետ միասին Անգլիա-Պանամա. մեկնարկային կազմերը հայտնի են Անգլիան ջախջախեց Պանամային. Քեյնը հեթ-տրիկի հեղինակ. G խումբ Բելգիա-Թունիս խաղի լավագույն ֆուտբոլիստը հայտնի է Բելգիան գոլառատ խաղով հաղթեց Թունիսին. G խումբ Մարադոնան քննադատում է Արգենտինայի հավաքականին` ամբողջովին խաղին չնվիրվելու համար
Ամենաընթերցված
website by Sargssyan