Բատիստուտա. Խիստ զայրացել էի, որ Մեսսին գերազանցեց իմ ռեկորդը

Արգենտինայի հավաքականի նախկին հարձակվող Գաբրիել Բատիստուտան տխուր է, որ «ալբիսելեստեի» ներկայիս ավագ Լիոնել Մեսսին գերազանցել է իր ռմբարկուական ռեկորդը:

«Դա խիստ զայրացրեց ինձ: Այդ ռեկորդը լուրջ հպարտություն էր, մարդիկ երախտագիտություն էին հայտնում ինձ: Երբ սահմանեցի ռեկորդը, այդ նորությունը տարածվեց ամբողջ աշխարհով: Ես դարձել էի Արգենտինայի հավաքականի պատմության լավագույն ռմբարկուն: Իմ հաշվին 54 գոլ էր գրանցված, իսկ հիմա Մեսսին ավելի շատ է խփել: Նույնիսկ չեմ հաշվում՝ որքան: Վերջում պարզվելու է, որ նա ինձնից երկու անգամ շատ գոլ է հեղինակել: Ինձ դուր էր գալիս այդ ռեկորդակիրը լինել: Ամեն դեպքում, այլմոլորակայինի զիջեցի»,- «Բատիգոլի» խոսքերն է մեջբերում mundodeportivo.com-ը:

Արգենտինայի հավաքականի կազմում Բատիստուտան 77 խաղում 54 գոլ է խփել, իսկ Մեսսին 123 մրցավեճում` 61: