Դե Ռոսսի. Իմ փոխարեն խաղադաշտ դուրս բերեք Ինսինյեին (տեսանյութ)
14/11/2017 13:42
Նմանատիպ
Իտալիայի հավաքականի կիսապաշտպան Դանիել Դե Ռոսսին Աշխարհի 2018 թվականի առաջնության՝ Շվեդիայի դեմ անցումային պատասխան խաղում (0:0, առաջինում` 0:1) հրաժարվել է փոխարինման մտնել, որպեսզի ասպարեզ դուրս գան ավելի հարձակվողական ոճի ֆուտբոլիստներ:
«Սկուադրա աձուրայի» գլխավոր մարզիչ Ջամպյերո Վենտուրայի օգնականներից մեկը 34-ամյա ֆուտբոլիստին խնդրել է պատրաստվել փոխարինման, սակայն հռոմեացին պատասխանել է.
«Գրողը տանի, ինչո՞ւ ես փոխարինման մտնեմ: Մեզ հարկավոր չէ պաշտպանվել, մեզ գոլ է պետք: Խաղադաշտ դուրս բերեք Ինսինյեին»:
Նշենք, որ Լորենցո Ինսինյեն մնացել է պահեստայինների նստարանին, իսկ Վենտուրան ասպարեզ է դուրս բերել Ֆեդերիկո Բերնարդեսկիին:
Հիշեցնենք, որ վերջին 60 տարվա ընթացքում առաջին անգամ Իտալիան չի մասնակցելու աշխարհի առաջնությանը:
Հետևեք մեզ նաև Telegram-ում