Ագուերոն հանդերձարանում ուշագնաց է եղել ու տեղափոխվել հիվանդանոց
15/11/2017 10:52
Նմանատիպ
Արգենտինայի հավաքականի հարձակվող Սերխիո Ագուերոն Նիգերիայի դեմ Ռուսաստանում կայացած ընկերական հանդիպման ընդմիջման ժամանակ առողջական լուրջ խնդիրներ է ունեցել:
Tycsports.com-ը հայտնում է, որ 29-ամյա ֆուտբոլիստը հանդերձարանում ուշագնաց է եղել և նրան տեղափոխել են Կրասնոդարի հիվանդանոցներից մեկը: Նրա փոխարեն խաղադաշտ է դուրս եկել Դարիո Բենեդետոն:
«The Sun»-ը հավելում է, որ հարձակվողի ուշագնացության պատճառը դարձել է արյան ճնշման կտրուկ իջեցումը: Նա ուշքի է եկել դեռ մարզադաշտում, սակայն հետազոտության համար նրան ուղարկել են հիվանդանոց: Արգենտինայի հավաքականի բժիշկ Դոնատո Վիլյանին հայտնել է, որ «Կունի» մոտ նման բան պատահել էր նաև պատանեկան տարիքում:
Ագուերոն մի քանի ժամ հետո միացել է հավաքականին:
Հետևեք մեզ նաև Telegram-ում