Իբրահիմովիչը, Պոգբան ու Ռոխոն «Նյուքասլի» դեմ խաղի հայտացուցակում են

«Մանչեսթեր Յունայթեդի» պաշտպան Մարկոս Ռոխոն, կիսապաշտպան Պոլ Պոգբան ու հարձակվող Զլատան Իբրահիմովիչը շարք են վերադարձել ու ընդգրկվել են Անգլիայի Պրեմիեր լիգայի 12-րդ տուրի՝ «Նյուքսալի» դեմ տնային խաղի հայտացուցակում: Այդ մասին հայտնել է «կարմիր սատանաների» գլխավոր մարզիչ Ժոզե Մոուրինյուն,- գրում է «The Telegraph»-ը:

«Իբրահիմովիչը, Պոգբան ու Ռոխոն հայտնվել են «Նյուքասլի» հետ հանդիպման հայտացուցակում: Պոլը վերջապես վերականգնվել է: Կարծում եմ` հասցրել եք նկատել ՄՅՈւ-ի խաղամակարդակի տարբերությունը նրա հետ ու առանց նրա:

Նախորդ մրցաշրջանում Զլատանը մասնակցում էր գրեթե բոլոր հանդիպումներին: Այս մրցաշրջանում մենք սովորել ենք առանց նրա խաղալուն, սակայն նա շատ կարևոր ֆուտբոլիստ է մեր թիմի համար: Շատ ուրախ ենք նրա վերադարձի կապակցությամբ:

Ռոխոն վնասվածքից հետո հսկայական աշխատանք է կատարել, որպեսզի վերականգնվի: Նա խաղացել է մեր երկրորդ թիմի կազմում, ուստի արդեն պատրաստ է առաջիկա մրցավեճին»,- ասել է պորտուգալացին:

«Մանչեսթեր Յունայթեդ» – «Նյուքասլ» խաղը կկայանա նոյեմբերի 18-ին: Մեկնարկը` Երևանի ժամանակով 21:30-ին: