USD
EUR
RUB

ԱԱ-2018-ի ընտրական փուլ. Ովքե՞ր էին լավագույնները

Աշխարհի 2018 թվականի առաջնության նախընտրական փուլը պաշտոնապես ավարտված է: 871 խաղի ընթացքում 2456 գոլ է գրանցվել, 2965 դեղին քարտի հետ մեկտեղ 148 կարմիր է եղել: Ամփոփենք արդյունքները՝ լավագույններին առանձնացնելով:

Լավագույն ռմբարկուները
Ռոբերտ Լևանդովսկի, Ահմեդ Հալիլ, Մոհամմադ Ալ-Սահլավի - 16-ական գոլ

Նրանք երեքն են, բայց առաջին հերթին Ռոբերտ Լևանդովսկու մասին: Նա 10 խաղում 16 գոլ է խփել: Ավելին, քան Սուարեսը, Ռոնալդուն, Մեսսին, Կավանին և մյուս թոփ-հարձակվողները: 16-ական գնդակ կա նաև ասիական ֆուտբոլի ներկայացուցիչների անվան դիմաց՝ ԱԷՄ-ի հարձակվող Ահմեդ Հալիլի և Սաուդյան Արաբիայի հարձակվող Մոհամադ Ալ-Սահլավիի: Երկուսն ավելի շատ խաղերի են մասնակցել (17 և 14 համապատասխանաբար), մրցակիցներն էլ ավելի թույլ են եղել: 

Ամենաշատն արդյունավետ փոխանցումներ կատարած ֆուտբոլիստը
Ջոշուա Կիմիխ - 9 գոլային փոխանցում

Գերմանական ֆուտբոլի ամենահեռանկարային ֆուտբոլիստն ու Բունդեսթիմի ապագա ավագը: Կիմիխը խմբային փուլի բոլոր խաղերին դաշտում է եղել, հաճախ հանդես է եկել կետրոնական աջ պաշտպանի դիրքում, և չգիտես՝ ինչ հրաշքով կարողացել է 10 խաղում 2 գոլ խփել, գոլային 9 փոխանցում կատարել: Տղայի անհավանական արդյունավետությանն անհնար է չսիրահարվել:

Ամենաշատ գոլ խփած հավաքականները
Բելգիա և Գերմանիա - 4.3-ական գոլ 1 խաղում

Զարմանալի չէ, երբ հարձակման գծում Լուկակուն և Մերտենսն են, իսկ նրանց փոխանցումներ կատարողները Ազարը, Նայնգոլանը ու Դե Բրյունեն: Խմբային փուլի 10 խաղում բելգիացիները 43 գոլ են խփել: Ֆանտաստիկ ցուցանիշ է: Նույն պատկերը նաև Գերմանիայի դեպքում է:

Բոլորից շատ խաղացել է՝ Իբրահիմ Ալմա

Սիրիացի դարպասապահը 19 խաղի է մասնակցել Ասիայի խմբային 2 փուլերում, ապա 2 հանդիպում էլ անցկացրել է Ավստրալիայի եզրափակիչ փուլում: Սիրիան Մունդիալի եզրափակիչ փուլին չի մասնակցի, բայց Ալման կմնա նախընտրական փուլում բոլորից շատ խաղացած ֆուտբոլիստը: Նա 1740 րոպե դաշտում է եղել:

Բոլորից շատ դարպասին հարվածող ֆուտբոլիստը
Կրիշտիանու Ռոնալդու - 66

Զարմանալի չէ: Ինչպես «Ռեալում», այնպես էլ հավաքականում Ռոնալդուն չէր վարանում ցանկացած դիրքից հարվածել և զգոն պահել մրցակցի դարպասապահներին: Խմբային փուլում 66 հարված, 1 խաղում միջինը՝ 7.4: Ռոնալդուից բացի որևէ մեկն ավելի շատ դարպասին չի հարվածել:

Լավագույն իրացնողը
Ռոբերտ Լևանդովսկի - 48.5%

Սուպերռմբարկուի հարվածներից գրեթե կեսի դեպքում գնդակը հայտնվել է մրցակցի դարպասում: 10 խաղում 16 գոլ խփելու համար Լևանդովսկուն ընդամենը 33 հարված է անհրաժեշտ եղել:

Ամենաշատ փոխանցումները կատարած ֆուտբոլիստը
Թոնի Կրոս - 121 փոխանցում 1 խաղում

Այո, գնդակին տիրելու մենաշնորհը Իսպանիայինն է, բայց Գերմանիան Թոնի Կրոս ունի, ով այժմ լավագույններից է իր դիրքում: «Ռեալի» ֆուտբոլիստը 10 խաղում ավելի քան 1200 փոխանցում է կատարել, միջինը՝ 121 փոխանցում 1 հանդիպման ժամանակ:

Ամենակարճ ճանապարհը դեպի Մունդիալ
Բրազիլիա - 537 օր

Բրազիլիային 537 օր պահանջվեց Մունդիալում մասնակցությունը հաստատելու համար: Նեյմար-Ժեզուշ-Կոուտինյո կրակոտ եռյակը հաղթեց հարավամերիկյան բոլոր մրցակիցերին, ու մինչ մյուսները տանջվում էին վերջին տուրում, բրազիլացիներն արդեն մարտին ծրագրում էին այցը դեպի Ռուսաստան:

Ամենաերկար ճանապարհը դեպի Մունդիալ
Պերու - 770 օր

Պերուն Բրազիլիայի հետ նույն օրը մեկնարկեց նախընտրական փուլում, բայց նրանց ճանապարհը մեկ ամսով երկարեց: Մի քանի օր առաջ աշխարհի մյուս ծայրը՝ Նոր Զելանդիա հասնելով և հայրենիք վերադառնալով՝ Պերուն հաստատեց իր մասնակցությունը Մունդիալին:

Բնակչության թվով ամենամեծ երկիրը
Բրազիլիա - 193.467.000 մարդ

Բրազիլիան երկրպագուների ամենամեծ թիվն է ունենալու Մունդիալում: Այդ երկրում բոլորն են ապրում ֆուտբոլով: Իհարկե, ինչպես նախորդ Մունդիալում էր, այս անգամ Բրազիլիան այդպիսի աջակցություն չի ունենա, բայց երբ 200 մլն մարդ երկրպագում է քեզ, ավելի մեծ խթան փնտրել հարկավոր էլ չէ:

Բնակչության թվով ամենափոքր երկիրը
Իսլանդիա - 334.252 մարդ

Ինչպե՞ս կարող են այդքան փոքր երկրում միջազգային հեղինակություն չճանաչող այդքան համարձակ ֆուտբոլիստներ լինել: Դարպասապահը ռեժիսոր է, պաշտպանը՝ օդաչու, մարզիչը՝ ատամնաբույժ: Այս մարդիկ չեն կարող միայն ֆուտբոլ խաղալ: Երկրի բնակչությունը քիչ է, պետք է այլ մասնագիտությամբ էլ զբաղվել:

Ամենախոշոր հաղթանակը
Քաթար - Բութան՝ 15:0

Բութանի մոտ ֆուտբոլ խաղալ դեռևս չի ստացվում․․․ Քաթարի հավաքականից գոլ էին խփել բոլոր նրանք, ովքեր չէին զլացել անել դա: 

Ամենաշատն են գոլ բաց թողել
Բութան - 52 գոլ

Բութանը կարողացել է գոլ խփել միայն մալդիվիացիներին, բայց բաց է թողել բոլորից. 0:15, 0:12, 0:7․․․ 8 խաղում այս հավաքականը 52 գնդակ է բաց թողել: Բոլոր խաղերում Բութանը դարպասապահ է ունեցել դաշտում․․․

Ամենաշատ գոլ խփողները
Սաուդիան Արաբիա և Ճապոնիա - 44-ական գոլ

Բանն այն է, որ Ասիայում նախընտրական փուլը մի քանի շրջանից է բաղկացած: Նախնական փուլից առաջ ցածր վարկանիշ ունեցող թիմերի համար խմբային 2 փուլ է անցկացվում, երկրորդում ընդգրկվում են առաջինի լավագույն 12 թիմերը: Ստացվում է, որ Ճապոնիան և Սաուդիան Արաբիան ընդհանուր հաշվարկով 18 խաղ են անցկացրել: Արդեն նշել ենք, որ եվրոպական գոտում Գերմանիան և Բելգիան 10 խաղում 43-ական գնդակ են խփել:

Բլորից քիչ են խփել
Լիխտեյնշտեյն - 1 գոլ

Լիխտեյնշտեյնի ֆուտբոլիստները կարողացել են կոտրել միայն իսրայելցիների պաշտպանությունը: Խմբային փուլերում մեկական գնդակ են խփել նաև Մալիի և Կամբոջայի հավաքականները, բայց նրանք կարողացել են աչքի ընկնել նաև նախնական խաղերի ընթացքում:

Բոլորից քիչ են բաց թողել
Մարոկկո - 1 գոլ

Եվրոպական թիմերից Իսպանիան և Անգլիան են ամենաքիչը գնդակ բաց թողել, բայց բոլոր մասնակիցների մեջ այս ցուցանիշով առաջատարն ընդամենը 1 գոլ բաց թողած Մարոկկոն է: Էվրե Ռենարը հավասարակշռված թիմ է կառուցել, որը Մունդիալի ժամանակ կարող է զարմացնել:

Լրահոս
«Daily Mail». Օզիլը հոգնել է սպասել «Բարսելոնային» և ընտրել է «Մանչեսթեր Յունայթեդը» Ռոնալդինյոն քաղաքականություն է մտնում «Marca». Զիդանը «Ռեալի» ղեկավարներին խնդրել է նոր հարձակվող չգնել Աբրահամ Խաշմանյան. Որոշեցի նոր պայմանագիր կնքել Հայտնի են Հայաստանի լավագույն ֆուտբոլիստի թեկնածուները Մոուրինյու. Այս պահին մյուսներն ավելի արժանի են խաղալուն, քան Մխիթարյանը «Կորչիր այստեղից, ա՛ղբ». «Միլանի» երկրպագուներն ընդդեմ Դոնարումայի Ռիբերին «Բավարիայի» պատմության լեգիոներների ռեկորդ է սահմանել Ֆուրմի դոպինգ-թեստը դրական պատասխան է տվել ՄՅՈւ-ն և «Տոտենհեմը» հաղթեցին, «Լիվերպուլն» ու «Արսենալը» սայթաքեցին հետնապահների հետ խաղում (տեսանյութ) Իտալիայի գավաթ․ «Միլանը» դուրս եկավ 1/4 եզրափակիչ (տեսանյութ) «Մանչեսթեր Սիթին» ջախջախեց «Սուոնսիին» և Պրեմիեր լիգայի ռեկորդ սահմանեց (տեսանյութ) Լևանդովսկու գոլը հաղթանակ պարգևեց «Բավարիային» (տեսանյութ) Մխիթարյանի` «Ինտեր» տեղափոխության այլընտրանքային տարբերակ ԱԱԱ․ «Ռեալը» հավասարվել է «Բարսելոնային», Ռոնալդուն դարձել է լավագույն ռմբարկու Հենրիխ Մխիթարյանը չի հայտավորվել «Բորնմուտի» հետ խաղին «Ռեալը» դուրս եկավ Աշխարհի ակումբային առաջնության եզրափակիչ (տեսանյութ) Թինա Կարապետյանի ու Սիմոն Սենեկալի արդյունքները Զագրեբում Վան Գալը` «Բորուսսիայի» մասին. Փոքր ակումբը մեծագույն դարձնելու ժամանակ չունեմ IFFHS. Տարվա խորհրդանշական հավաքականը Կոնտե. «Մանչեսթեր Սիթիին» կանգնեցնելն անհնար է Ֆյուրին` Ջոշուային. Գալիս եմ քո հետևից ՄՅՈւ-ն ու «Ատլետիկոն» հանձնվում են. «Բարսելոնան» Գրիզմանի տրանսֆերի ֆավորիտն է Ֆալկաոն գոլ է խփել դաշտի կենտրոնից (տեսանյութ) Տեն Կատեն. «Ռեալի» դեմ խաղում երեք ավտոբուս է հարկավոր ԱՊԼ-ի 17-րդ տուր. «Չելսիի» թեթև զբոսանքը (տեսանյութ) «Բորուսսիայի» երկար սպասված հաղթանակը (տեսանյութ) 11 ամիս անց Օզբիլիսը գոլ է խփել (տեսանյութ) Աշխարհի ակումբային առաջնություն. Հայտնի է եզրափակչի առաջին մասնակիցը (տեսանյութ) Մխիթարյանն ու Մոուրինյուն արտահերթ հանդիպում են ունեցել «Լացիոն» կարող է դուրս գալ Իտալիայի առաջնությունից (տեսանյութ) «Ռեալը» փոխանակման առաջարկներ կկատարի «Լիվերպուլին» ու «Արսենալին» Վան Գալ. Մոուրինյուի ՄՅՈւ-ն ձանձրալի ֆուտբոլ է խաղում, բայց նրան չեն քննադատում ՉԼ-ի վիճակահանությունից հետո Մեսսին ու Ռոնալդուն «սիրելի» թիմեր ունեն (ծաղրանկար) Չեմպիոնների լիգա. 6-րդ տուրի լավագույն գոլը (տեսանյութ) Թենիսի պատմության ամենակարճ խաղը Ռոնալդինյոն գոլ է խփել 52 մետրից (տեսանյութ) Դոնարուման կարող է հեռանալ «Միլանից». Ռայոլայի տարօրինակ խնդրանքը Չեմպիոնների լիգայի 1/8 եզրափակիչ. հաջորդ փուլ անցնելու հնարավորությունները «As». Հայտնի է` ով է ձմռանը դառնալու «Բարսելոնայի» առաջին նորեկը
website by Sargssyan