Մխիթարյանը չի մասնակցելու «Ուոթֆորդի» դեմ խաղին
28/11/2017 14:03
Նմանատիպ
Հայաստանի հավաքականի ու «Մանչեսթեր Յունայթեդի» կիսապաշտպան Հենրիխ Մխիթարյանը չի մասնակցելու Անգլիայի առաջնության 14-րդ տուրի «Ուոթֆորդի» դեմ արտագնա հանդիպմանը:
«Կարմիր սատանաների» գլխավոր մարզիչ Ժոզե Մոուրինյուն 28-ամյա ֆուտբոլիստին չի ընդգրկել հայտացուցակում, ուստի նա չի մեկնել արտագնա խաղին: Առաջիկա հադիպումը բաց կթողնեն նաև Լյուկ Շոուն և Մայքլ Քերիկը:
Ավելի վաղ պորտուգալացին դժգոհություն էր հայտնել Հենրիխի խաղից: Երկու մրցավեճի չմասնակցելուց հետո Մխիթարյանը փոխարինման էր մտել «Բրայթոնի» դեմ նախորդ մրցավեճում:
«Ուոթֆորդ» – «Մանչեսթեր Յունայթեդ» խաղը կկայանա այսօր: Մեկնարկը` ուղիղ կեսգիշերին:
Հետևեք մեզ նաև Telegram-ում