Ովքե՞ր կստանային «Ոսկե գնդակը», եթե չլինեին Մեսսին ու Ռոնալդուն

Դեկտեմբերի 7-ին Կրիշտիանու Ռոնալդուն 5-րդ անգամ արժանացավ «Ոսկե գնդակ» մրցանակին: Այդ ցուցանիշով պորտուգալացին հավասարվեց իր մրցակից Լիոնել Մեսսիին: «Բարսելոնայի» առաջատարն հեղինակավոր մրցանակը 5-րդ անգամ ստացել էր 2015 թվականի ելույթների համար:

Այսպիսով, 2008 թվականից սկսած 10 տարիների ընթացքում «Ոսկե գնդակը» ստանում են միայն երկու խաղացողներ: Ներկայացնում ենք, թե ովքեր կարժանանային այդ մրցանակին, եթե հաշվարկում չլինեին Մեսսին ու Ռոնալդուն:

2008 թվական – հաղթող է դարձել Կրիշտիանուն, երկրորդ տեղը` Մեսսին: Եթե նրանք չլինեին, մրցանակը կստանար երրորդ տեղը գրաված Ֆերնանդո Տորրեսը:

2009 թվական – Չավի

2010 թվական – Անդրես Ինյեստա

2011 թվական – Չավի

2012 թվական – Անդրես Ինյեստա

2013 թվական – Ֆրանկ Ռիբերի

2014 թվական – Մանուել Նոյեր

2015 թվական – Նեյմար

2016 թվական – Անտուան Գրիզման

2017 թվական – Նեյմար

Հատկանշական է, որ այդ 10 տարիների ընթացքում միայն մեկ դեպք է եղել, որ արգենտինացին ու պորտուգալացին չզբաղեցնեն առաջին կամ երկրորդ տեղերը: 2010 թվականին Կրիշտիանու Ռոնալդուն նույնիսկ եռյակում չի հայտնվել: Լավագույնը ճանաչված Մեսսիին հաջորդել էին «Բարսելոնայում» նրա թիմակիցներ Անդրես Ինյեստան ու Չավին:

Հետևեք մեզ նաև Telegram-ում