Կեպայի` «Ռեալ» տեղափոխությունը խափանվել է
09/01/2018 12:41
Նմանատիպ
Բիլբաոյի «Ատլետիկի» դարպասապահ Կեպա Արիսաբալագան հունվարին չի տեղափոխվի Մադրիդի «Ռեալ»:
«Onda Cero»-ն տեղեկացնում է, որ «սերուցքայինների» համար բասկի անցած բուժզննման ժամանակ նրա մոտ աջ ոտքի ոսկորի կոտրվածք է հայտնաբերվել: 23-ամյա ֆուտբոլիստի ապաքինման համար պահանջվելու է 3 ամիս: Արիսաբալագան հրաժարվել է վիրահատության ենթարկվել: Նա կարծում է, որ ավանդական բուժման միջոցով ավելի շուտ կվերականգնվի:
Ամենայն հավանականությամբ, Կեպան «արքայական ակումբին» կմիանա ամռանը, երբ կավարտվի «Ատլետիկի» հետ նրա պայմանագրի ժամկետը:
Հիշեցնենք, որ Ռեալը պատրաստվում էր վճարել դարպասապահի հրաժարագինը, որը կազմում է 20 միլիոն եվրո:
Հետևեք մեզ նաև Telegram-ում