Օբամեյանգը ևս մեկ քայլով մոտեցավ «Արսենալին»
17/01/2018 10:48
Նմանատիպ
Դորտմունդի «Բորուսսիայի» հարձակվող Պյեր Էմերիկ Օբամեյանգը շատ մոտ է կարիերան «Արսենալում» շարունակելուն:
«Daily Mirror» պարբերականը հայտնում է, որ գաբոնցին «զինագործների» հետ համաձայնեցրել է անձնական պայմանագրի կետերը: Մանրամասները դեռ հայտնի չեն: Միաժամանակ «Bild»-ը տեղեկացնում է, որ 28-ամյա ֆուտբոլիստն իրեն տրանսֆերի հանելու համար գերմանական ակումբին պաշտոնապես դիմում է ներկայացրել: Դորտմունդցիները պատրաստ են բաց թողնել նրան, եթե ստանան 70 միլիոն եվրո:
Ավելի վաղ հայտնի է դարձել, որ «Արսենալն» Օբամեյանգի համար 60 միլիոն եվրո է առաջարկում: Կա նաև տարբերակ, ըստ որի լոնդոնցիները կվճարեն 35 միլիոն եվրո ու Դորտմունդ կուղարկեն հարձակվող Օլիվյե Ժիրուին:
Ընթացիկ մրցաշրջանում հարձակվողը 23 խաղում 21 գոլ է խփել:
Հետևեք մեզ նաև Telegram-ում