Australian Open. Ջոկովիչն ու Ֆեդերերը դուրս եկան չորրորդ շրջան (տեսանյութ)
Նմանատիպ
Ավստրալիայի բաց առաջնության երրորդ շրջանում աշխարհի նախկին առաջին ռակետ Նովակ Ջոկովիչն առավելության է հասել իսպանացի Ալբերտ Ռամոս-Վինյոլասի նկատմամբ։
2 ժամ 21 րոպե տևած հանդիպումն ավարտվել է 6։2, 6։3, 6։3 հաշվով։ 30-ամյա սերբ թենիսիստը, ով այժմ զբաղեցնում է ATP վարկանիշային աղյուսակի 14-րդ հորիզոնականը, 2 էյս է կատարել, թույլ է տվել 3 կրկնակի սխալ և սեփական մատուցման ժամանակ չի պարտվել ոչ մի գեյմ։ 1/4 եզրափակչի ուղեգրի համար Ջոկովիչը խաղալու է կորեացի Չխյոն Հյոնի հետ, ով պայքարից դուրս է թողել Գերմանիայի ներկայացուցիչ Ալեքսանդր Զվերևին։
Շվեյցարացի Ռոջեր Ֆեդերերը հաղթահարել է ֆրանսիացի Ռիշար Գասկեի արգելքը՝ 6։2, 7։5, 6։4։ Թենիսիստները կորտում 1 ժամ, 59 րոպե են ացկացրել, որոնց ընթացքում Ֆեդերերի ակտիվում գրանցել է 12 էյս, 1 կրկնակի սխալ, 5 բրեյք-փոյնթ՝ 8 հնարավորից։ Ֆեդերերի հաջորդ մրցակիցը հունգարացի Մարտոն Ֆուչովիչն է։
Հետևեք մեզ նաև Telegram-ում