Մոնրեալի արդյունավետությունը նպաստեց «Արսենալի» տպավորիչ հաղթանակին (տեսանյութ)

Անգլիայի Պրեմիեր լիգայի 24-րդ տուրում «Արսենալը» սեփական հարկի տակ խոշոր հաշվով առավելության հասավ «Քրիսթալ Փելասի» նկատմամբ։

Արսեն Վենգերի սաներն արդեն մեկնարկում վճռեցին հաղթողի հարցը․ 6-րդ րոպեին գոլի հեղինակ դարձավ Նաչո Մոնրեալը, իսկ 10-րդ և 13-րդ րոպեներին Մոնրեալի արդյունավետ փոխանցումներից հետո աչքի ընկան Ալեքս Այուբին և Լորան Կոսյելինին։ Խաղակեսի միջնամասում՝ 22-րդ րոպեին, Ալեքսանդր Լյակազետը խփեց «զինագործների» չորրորդ գոլը, իսկ հանդիպման մնացած ժամանակահատվածում հյուրերին հաջողվեց միայն կրճատել տարբերությունը․ 78-րդ րոպեին հեղինակության գոլ խփեց Լուկա Միլիվոևիչը։

Այս հաղթանակից հետո «Արսենալն» ունի 42 միավոր և զբաղեցնում է 6-րդ հորիզոնականը, իսկ «Քրիսթալ Փելասը» մնաց 25 միավորով՝ 13-րդ տեղում։

Խաղի տեսաամփոփումը ներկայացված է այս հղմամբ։