Australian Open. Դիմիտրովը պայքարից դուրս թողեց Կիրյոսին, Նադալը դիմադրության հանդիպեց (տեսանյութ)
Նմանատիպ
Աշխարհի առաջին ռակետ Ռաֆայել Նադալն Ավստրալիայի բաց առաջնության չորրորդ շրջանում առավելության հասավ արգենտինացի Դիեգո-Սեբաստյան Շվարցմանի նկատմամբ։ 3 ժամ 51 րոպե տևած հանդիպումն ավարտվեց 6:3, 6:7 (4:7), 6:3, 6:3 հաշվով։ 31-ամյա իսպանացու ակտիվում գրանցվեց 7 էյս, 4 կրկնակի սխալ, 7 բրեյք-փոյնթ՝ 18 հնարավորից։ Քառորդ եզրափակչում Նադալը խաղալու է խորվաթ Մարին Չիլիչի հետ։ Վերջինս 6:7 (2:7), 6:3, 7:6 (7:0), 7:6 (7:3) հաշվով հաղթել է իսպանացի Պաբլո Կարենյո-Բուստային։
Քառորդ եզրափակիչ փուլի ուղեգիր է նվաճել նաև Գրիգոր Դիմիտրովը։ Բուլղարացին 7:6 (7:3), 7:6 (7:4), 4:6, 7:6 (7:4) հաշվով հաղթել է ավտրալացի Նիկ Կիրյոսին։ 3 ժամ 26 րոպե տևած հանդիպման ընթացքում Դիմիտրովի ակտիվում գրանցվել է 16 էյս, 7 կրկնակի սխալ, 2 բրեյք-փոյնթ՝ 9 հնարավորից։ Կիսաեզրափակչի ուղեգրի համար Դիմիտրովը խաղալու է Կայլ Էդմունդի հետ։
Հետևեք մեզ նաև Telegram-ում