Մբապե. Կողքից սարսափելի էր թվում, բայց ինձ հետ ամեն ինչ նորմալ է (տեսանյութ)

«Պարի Սեն Ժերմենի» հարձակվող Կիլիան Մբապեն «Լիոնի» դեմ երեկ կայացած հանդիպման (1:2) ժամանակ պատգարակի վրա դուրս էր բերվել խաղադաշտից:

Առաջին խաղակեսում ֆրանսիացին գլխի պատռվածք էր ստացել, իսկ քիչ հետո ծանր բախում ունեցել տանտերերի դարպասապահ Անտոնի Լոպեշի հետ: Վերջինս ընկել էր նրա վրա, ինչից հետո Մբապեն հարկադրաբար փոխարինվել է:

«Ցանկանում եմ բոլորին հայտնել, որ ինձ հետ ամեն ինչ նորմալ է: Հասկանում եմ, որ կողքից դա սարսափելի էր թվում: Չեմ մեղադրում Լոպեշին: Բոլորիդ շնորհակալ եմ հաղորդագրությունների համար»,- իր թվիթերյան էջում գրել է 19-ամյա ֆուտբոլիստը:

Հարձակվողի մոտ լուրջ վնասվածք չի հայտնաբերվել, սակայն շուտով նա ևս մեկ բուժզննում է անցնելու:

Տեսանյութ