Նոր անուն թոփ-3-ում. «Australian Open»-ի ազդեցությունն ATP-ի վարկանիշի վրա
Նմանատիպ
Պրոֆեսիոնալ թենիսիստների ասոցիացիան (ATP) Ավստրալիայի բաց առաջնությունից հետո ներկայացրել է վարկանիշային նոր աղյուսակը:
Աշխարհի երկրորդ թենիսիստ Ռոջեր Ֆեդերերն առաջատար Ռաֆայել Նադալի առավելությունը կրճատել է մինչև 155 միավոր: Առաջին հորիզոնական բարձրանալու համար շվեյցարացուն բավական է մասնակցել մարտի սկզբին կայանալիք Դուբայի մրցաշարին։
Իր կարիերայի ընթացքում առաջին անգամ լավագույն եռյակ է մտել Մարին Չիլիչը, ով «Australian Open»-ում հասել է եզրափակիչ: Վերջին 10 տարվա ընթացքում առաջին անգամ լավագույն տասնյակից դուրս է մնացել Ստեն Վավրինկան, ով Մելբուռնում պարտվել է երկրորդ շրջանում:
Զգալիորեն առաջադիմել են կիսաեզրափակիչ հասած Կայլ Էդմունդը (49-րդ տեղից` 26) և Հյոն Չոնը (58-ից` 29), ինչպես նաև քառորդ եզրափակչում հայտնված Թենիս Սանդրգրենը (97-ից` 55): Նովակ Ջոկովիչը մեկ տեղով առաջադիմել է (14-ից` 13), իսկ Էնդի Մարեյը` նահանջել (19-ից` 20):
ATP-ի լավագույն տասնյակը հետևյալ տեսքն ունի.
1 (1). Ռաֆայել Նադալ (Իսպանիա) – 9 760 միավոր
2 (2). Ռոջեր Ֆեդերեր (Շվեյցարիա) – 9 605
3 (6). Մարին Չիլիչ (Խորվաթիա) – 4 960
4 (3). Գրիգոր Դիմիտրով (Բուլղարիա) — 4 630
5 (4). Ալեքսանդր Զվերև (Գերմանիա) — 4 610
6 (5). Դոմինիկ Տիմ (Ավստրիա) — 4 060
7 (7). Դավիդ Գոֆեն (Բելգիա) – 3 460
8 (9). Ջեք Սոք (ԱՄՆ) — 2 880
9 (10). Խուան Մարտին դել Պոտրո (Արգենտինա) — 2 815
10 (11). Պաբլո Կարենո Բուստա (Իսպանիա) — 2 705
Հետևեք մեզ նաև Telegram-ում