«The Sun». «Մանչեսթեր Սիթին» թանկարժեք տրանսֆեր է համաձայնեցրել
08/02/2018 17:36
Նմանատիպ
«Մանչեսթեր Սիթին» ամառային տրանսֆերային պատուհանի համար գործարք է համաձայնեցրել: «Քաղաքայիններին» է միանալու Դոնեցկի «Շախտյորի» հենակետային կիսապաշտպան Ֆրեդը:
«The Sun»-ը հայտնում է, որ անգլիական ակումբը համաձայնեցրել է բրազիլացու տրանսֆերը: Այն կազմելու է 55-57 միլիոն եվրո: Հունվարին «Մանչեսթեր Սիթին» արդեն նմանատիպ առաջարկ կատարել էր «Շախտյորին», սակայն «հանքափորների» ղեկավարները չէին ցանկացել մրցաշրջանի կեսից բաժանվել իրենց առանցքային խաղացողից:
Սպասվում է, 24-ամյա ֆուտբոլիստը կդառնա Ֆերնանդինյոյի ապագա փոխարինողը: Վերջինս մայիսին դառնալու է 33 տարեկան:
Ավելի վաղ Ֆրեդը հայտարարել է, որ երազում է խաղալ Խոսեպ Գվարդիոլայի գլխավորությամբ:
Հետևեք մեզ նաև Telegram-ում