Վերջ գործադուլին. Մարեզը վերադարձել է մարզումներին
09/02/2018 16:55
Նմանատիպ
«Լեսթերի» եզրային կիսապաշտպան Ռիյադ Մարեզը վերադարձել է թիմի մարզումներին,- հայտնում է skysports.com-ը:
Ալժիրցին հունվարի 31-ից գործադուլ էր հայտարարել «աղվեսներին», ովքեր հրաժարվել էին նրա տրանսֆերը 74 միլիոն եվրոյի դիմաց վաճառել «Մանչեսթեր Սիթիին»:
Այսօր հայտնի է դարձել, որ 26-ամյա ֆուտբոլիստն անգլիական ակումբի կողմից տուգանվել է 230 հազար ֆունտ սթերլինգով: Ավելի վաղ վինգերը հայտարարել էր, որ մարզումներին կվերադառնա, եթե «Լեսթերը» պարտավորվի ամռանը վաճառել նրա տրանսֆերը:
Այսպիսով, ալժիրցին կարող է մասնակցել «Մանչեսթեր Սիթիի» դեմ վաղը կայանալիք հանդիպմանը: Նրա թիմակիցները հայտարարել են, որ գրկաբաց հետ կընդունեն իրենց առաջատարներից մեկին:
Անգլիայի ընթացիկ առաջնության 24 խաղում Ռիյադը 8 գոլ է խփել ու 7 գոլային փոխանցում կատարել:
Հետևեք մեզ նաև Telegram-ում