USD
EUR
RUB

Փաստեր, որոնք «Ռեալ» - ՊՍԺ խաղն ավելի սպասելի են դարձնում

 

Մադրիդի «Ռեալն» Իսպանիայի առաջնությունում և Գավաթի խաղարկությունում անհաջող ելույթներից հետո մրցաշրջանը փրկելու մեկ հնարավորություն ունի՝ երրորդ անգամ անընդմեջ հաղթել Չեմպիոնների լիգայում։ Սակայն աստղային հարձակվողներով համալրված «Պարի Սեն Ժերմենն» էլ իր հաշվարկներն ունի։

1/8 եզրափակիչ փուլի առաջին խաղը կայանալու է այսօր, «Սանտյագո Բեռնաբեու» մարզադաշտում։ Ներկայացնում ենք դիմակայության վերաբերյալ ամենաուշագրավ և առանցքային փաստերն ու վիճակագրական տվյալները։

  • «Ռեալը» H խմբից երկրորդ տեղով դուրս եկավ եզրափակիչ փուլ՝ զիջելով միայն «Տոտենհեմին»: Հետաքրքիր է, որ անցյալ մրցաշրջանում էլ մադրիդցիները երկրորդն էին խմբում: ՊՍԺ-ն մեկնարկային 5 տուրում հաղթանակներ տոնեց ու իր քառյակում շրջանցեց «Բավարիային»:
  • «Ռեալը» վերջին 7 մրցաշրջանում առնվազն կիսաեզրափակիչ է դուրս եկել, այն դեպքում, երբ Փարիզի թիմը մեկ տարի առաջ դուրս մնաց 1/8 եզրափակչից: 

Նախորդ հանդիպումները

  • «Ռեալը» և ՊՍԺ-ն Չեմպիոնների լիգայի 2015-16թթ. խմբային փուլից հետո չեն հանդիպել: Փարիզում թիմերը 0:0 հաշվով էին բաժանվել, իսկ Մադրիդում՝ 35-րդ րոպեին Նաչոյի խփած գոլի շնորհիվ հաղթել էին դաշտի տերերը (1:0): Իսպանական թիմն ադ ժամանակ առաջինն էր խմբում և ՊՍԺ-ին շրջանցեց 2 միավորով: 
  • Ավելի վաղ ՊՍԺ-ն երկու անգամ անընդմեջ «Ռեալին» դուրս է թողել եվրագավաթներից՝ ՈւԵՖԱ-ի գավաթի 1992-93թթ. խաղարկության 1/4 եզրափակչից (1:3 արտագնա խաղում, 4:1 սեփական դաշտում) և 1993-94թթ. մրցաշրջանի Գավաթակիրների գավաթի 1/4 եզրափակչից (1:0 արտագնա խաղում, 1:1 սեփական դաշտում):
  • 1994-ի մարտի 3-ին ամեն ինչ վճռեց Ջորջ Վեայի խփած գնդակը․ Արթուր Ժորժի սաները հյուրընկալվելիս Վիսենտե դել Բոսկեյի «Ռեալին» հաղթեցին նվազագույն հաշվով: Ուշագրավ է, որ մադրիդցիների համար դա միակ տնային պարտությունն է ֆրանսիական թիմերից:

Փաստեր և վիճակագրություն

«Ռեալ»

  • «Ռեալը» 8-րդ անգամ անընդմեջ Չեմպիոնների լիգայի 1/4 եզրափակիչ դուրս գալու հնարավորություն ունի: Մադրիդցիների 1/8 եզրափակիչների վիճակագրությունը՝ Հ8 Պ6: Թիմն այդ փուլում 6 անգամ անընդմեջ պարտվել է 2005-10 թվականներին: 
  • Չեմպիոնների լիգայում սեփական դաշտում անցկացրած վերջին 39 խաղում «Ռեալը» 33 հաղթանակ է տոնել: Միակ պարտությունը կրել է «Շալկեից» (3:4) 2014-15թթ. խաղարկության 1/8 եզրափակչում, բայց երկու խաղերի արդյունքում կարողացել է հաղթել՝ 5:4: 
  • Ընթացիկ մրցաշրջանում Զինեդին Զիդանի սաները սեփական դաշտում 7 միավոր են վաստակել: Նախ 3:0 հաշվով հաղթել են ԱՊՕԵԼ-ին, ապա 1:1 խաղացել «Տոտենհեմի» դեմ, իսկ խմբային փուլի եզրափակիչ տուրում 3:2 հաշվով հաղթել են «Բորուսսիային»: 
  • Կրիշտիանու Ռոնալդուն միակ ֆուտբոլիստն է, ով կարողացել է գոլ խփել խմբային 6 տուրերում: 6 խաղում պորտուգալացին 9 գոլ է խփել: 
  • Եվրագավաթների վերջին 25 խաղում «Ռեալը» 2 պարտություն է կրել: Վերջինը գրանցվել է խմբային փուլի 4-րդ տուրի «Տոտենհեմի» դեմ խաղում (1:3): «Ռեալն» այդ ընթացքում նաև 17 հաղթանակ է տարել ու 6 անգամ ոչ-ոքի խաղացել: 
  • ՊՍԺ-ի հետ վերը նշված խաղերը վերջինն էին ֆրանսիական թիմերի դեմ: Ֆրանսիան ներկայացնող թիմերի դեմ հանդիպումների առանց պարտության ձգվող շարքը 9 խաղից է բաղկացած (Հ6 Ո3): Վերջին պարտությունը գրանցվել է 2010-ին, երբ «Ռեալը» 1/8 եզրափակչում նվազագույն հաշվով պարտվել է Լիոնում (ընդհ. 1:2): Ֆրանսիական թիմերի դեմ հաղթանակած խաղերում խփած և բաց թողած գոլերի տարբերությունը շատ տպավորիչ է՝ 15:0։ 
  • «Ռեալը» ֆրանսիական թիմերի դեմ խաղերում արդեն 5 հանդիպում անընդմեջ գոլ բաց չի թողնում: Մադրիդցիներն իրենք 10 գոլ են խփել, 4 հաղթանակ տոնել ու 1 ոչ-ոքի գրանցել: 
  • 1994-ին «Պարի Սեն Ժերմենի» հաղթանակը միակ տնային պարտությունն է «Ռեալի» համար Ֆրանսիան ներկայացնող թիմերի դեմ վերջին 14 հանդիպումներում (Հ10 Ո3): Այդպիսի վերջին 4 հանդիպումներում մադրիդցիները հաղթել են: 
  • Իսպանական թիմը ՊՍԺ-ի դեմ երկխաղյա 2 դիմակայություններում պարտվել է, իսկ եզրափակիչ փուլում ֆրանսիական թիմերի դեմ խաղերի վիճակագրությունն այսպիսին է՝ Հ3 Պ4: Նման վերջին հակամարտությունը 2010-11թթ. խաղարկության 1/8 եզրափակչում էր՝ «Ռեալը» ընդհանուր 4:1 հաշվով հաղթեց «Լիոին» (արտագնա 1:1, սեփական դաշտում՝ 3:0): 

«Պարի Սեն Ժերմեն» 

  • ՊՍԺ-ն 6-րդ անգամ անընդմեջ և 6-րդ անգամ ընդհանուր հաշվով խաղում է 1/8 եզրափակչում: Առաջին 4 դեպքում թիմին հաջողվել է առաջ անցնել, իսկ 2017-ին ցավալի պարտություն է կրել: Նախորդ մրցաշրջանում ՊՍԺ-ն Փարիզում 4:0 հաշվով հաղթեց «Բարսելոնային», բայց արտագնա խաղում պարտվեց 1:6 հաշվով և դուրս մնաց հետագա պայքարից: Կատալոնական թիմին հաղթել օգնեց փարիզցիների ներկայիս աստղ Նեյմարն իր դուբլով ու գոլային փոխանցմամբ: Մրցաշարի պատմության մեջ երբևէ որևէ թիմ 4 գնդակի առավելությամբ առաջին խաղում հաղթելուց հետո նման պարտություն չէր կրել:
  • Դա փարիզցիների վերջին այցն էր դեպի Իսպանիա, որտեղ նրանք հետևյալ վիճակագրությունն ունեն՝ Հ4 Ո2 Պ7: Իսպանիայում անցկացրած վերջին 4 խաղերում ՊՍԺ-ն պարտվել է՝ 3 անգամ «Բարսելոնային», 1 անգամ «Ռեալին»:
  • 6-րդ տուրում «Բավարիայից» կրած պարտությունը (1:3) ՊՍԺ-ին խոչընդոտեց հաղթել խմբային փուլի բոլոր խաղերում: Միևնույն ժամանակ փարիզյան թիմը խմբային փուլում 25 գոլ է խփել՝ սահմանելով արդյունավետության նոր ռեկորդ։
  • Չեմպիոնների լիգայի վերջին 12 արտագնա խաղերում ՊՍԺ-ն 7 հաղթանակ է տոնել և 1 ոչ-ոքի գրանցել: Ընթացիկ խաղարկությունում արտագնա խաղերում Ունաի Էմերիի սաները հաղթել են «Սելտիկին» (5:0) և «Անդերլեխտին» (4:0): 
  • Իսպանիան ներկայացնող թիմերի դեմ երկխաղյա դիմակայություններում ՊՍԺ-ի վիճակագրությունը՝ Հ5 Պ3: Փարիզյան թիմը 3 պարտությունն էլ կրել է «Բարսելոնայից»՝ անցյալ մրցաշրջանի 1/8 եզրափակչում, 2015 և 2013 թվականներին 1/4 եզրափակիչներում:
  • ՊՍԺ-ն Չեմպիոնների լիգայի 1/8 եզրափակիչների առաջին խաղերում երբևէ չի պարտվել՝ Հ4 Ո1:

Թիմերի միջև եղած կապը

  • Զիդանը 4 անգամ խաղացել է ՊՍԺ-ի դեմ, երբ հանդես է եկել «Բորդոյում» և «Յուվենտուսում» (Հ2 Ո1 Պ1):
  • Էմերին 2 անգամ խաղացել է «Կաստիլյայի» դեմ, երբ հանդես է եկել «Տոլեդոյի» կազմում (Հ2): Արդեն «Ալմերիայի», «Վալենսիայի» և «Սևիլյայի» մարզիչ դերում Էմերին 20 անգամ դիմակայել է «Ռեալին» և ընդամենը 5 հաղթանակ տոնել՝ Ո1 Պ14: ՈւԵՖԱ-ի Սուպերգավաթի 2014 թվականի խաղարկության ժամանակ նրա «Սևիլյան» 0:2 հաշվով պարտվեց «Ռեալին»:
  • Անխել Դի Մարիան 2010-2015թթ. «Ռեալի» կազմում 124 խաղ է անցկացրել Լա լիգայի շրջանակներում, 22 գոլ խփել: 2014-ին «Ռեալը» նվաճեց Չեմպիոնների իր 10-րդ գավաթը, իսկ Անխելը ճանաչվեց «Ատլետիկոյի» դեմ եզրափակիչ խաղի լավագույն ֆուտբոլիստ:
  • Լասսանա Դիարան 2008-13թթ. «Ռեալի» կազմում 87 խաղ է անցկացրել Իսպանիայի առաջնությունում, 2011-ին նվաճել երկրի գավաթը, իսկ ոսկին՝ հաջորդ մրցաշրջանում:
  • Դանի Ալվեսը «Յուվենտուսի» կազմում 1:4 հաշվով պարտվել է «Ռեալին» նախորդ մրցաշրջանի եզրափակչում։
  • Յուլիան Դրակսլերը «Վոլֆսբուրգի» հետ 2:0 հաշվով «Ռեալին» հաղթել է 2015-16թթ. խաղարկության 1/4 եզրափակչում: Իսպանիայում ևս Յուլիանը խաղադաշտում է եղել, երբ Ռոնալդուի հեթ-տրիկը հաղթանակ է բերել մարդիդցիներին և ճանապարհ բացել դեպի կիսաեզրափակիչ (3:0):
  • «Լանսի» առաջին թիմում Ռաֆայել Վարանի նորամուտը տեղի է ունեցել Ֆրանսիայի գավաթի խաղարկության ՊՍԺ-ի դեմ արտագնա խաղում: 2011-ի հունվարին նրա թիմը պարտվել է 1:5 հաշվով, իսկ փետրվարին Վարանը «Լանսին» օգնել է գոլազուրկ ոչ-ոքի խաղալ արդեն Փարիզում:
  • Կարիմ Բենզեման «Լիոնի» կազմում 7 խաղ է անցկացրել ՊՍԺ-ի դեմ (Հ4 Ո2 Պ1): 2008-ի մայիսին նրա օգնությամբ լիոնցիները փարիզցիներին 1:0 հաշվով հաղթել են ու արժանացել Ֆրանսիայի գավաթին:
  • Ալֆոնս Արեոլան վարձավճարի դիմաց խաղացել է «Վիլյառեալում»: 2015-ի դեկտեմբերին նա Իսպանիայի առաջնությունում թիմին օգնել է հաղթել «Ռեալին» (1:0):

Հավաքականի խաղընկերներ

  • Կազեմիրո, Մարսելո, Տյագո Սիլվա, Մարկինյոս, Դանի Ալվես, Լուկաս Մոուրա, Նեյմար (Բրազիլիա)
  • Ռաֆայել Վարան, Կյուրզավա, Ադրիեն Ռաբիո, Կիլիան Մբապե, Լասանա Դիարա (Ֆրանսիա)
  • Թոնի Կրոս, Քևին Տրապ, Յուլիան Դրակսլեր (Գերմանիա)

Միասին են խաղացել

  • Բորխա Մայորալ, Յուլիան Դրակսլեր («Վոլֆսբուրգ» 2016)
  • Սերխիո Ռամոս, Դանի Ալվես («Սևիլյա» 2003-05թթ․)

Խաղացել են Ֆրանսիայում

  • Կարիմ Բեզնեմա («Լիոն» 2005-09թթ․)
  • Ռաֆայել Վարան («Լանս» 2010-11թթ․)

Խաղացել են Իսպանիայում

  • Յուրի Բերչիչե («Վալյադոլիդ» 2009-10թթ․, «Ռեալ Յունիոն» 2010-12թթ․, «Էյբար» 2012-14թթ․, «Ռեալ Սոսյեդադ» 2014-17թթ․)
  • Նեյմար («Բարսելոնա» 2013-17թթ․)
  • Ալֆոնս Արեոլա («Վիլյառեալ» 2015-16թթ․)
  • Դանի Ալվես («Սևիլյա» 2002-08թթ․, «Բարսելոնա» 2008-16թթ․)
  • Տյագո Մոտա («Բարսելոնա» 2001-07թթ․,«Ատլետիկո» 2007-08թթ․)։

 

Վիճակագրական տվյալները՝ ՈւԵՖԱ-ի պաշտոնական կայքի

Լրահոս
Շախմատի Եվրոպայի անհատական առաջնությունում հաղթանակներ գրանցեցին Մարտիրոսյանը և Հովհաննիսյանը «Բարսելոնն» «Այաքսին» 60 միլիոն եվրո է առաջարկել Լիքթի դիմաց «Ռեալի» և «Չելսիի» լեգենդները «Բերնաբեույում» հունիսին կհանդիպեն Եվրո-2019-ի չեմպիոնական գավաթը Հայաստանում է Բոսնիա-Հերցեգովինա-Հայաստան հանդիպումը կսպասարկեն դանիացի մրցավարները Յուրա Մովսիսյանը խոսել է ազգային թիմին միանալու մասին «Ինտերը» «Տոտենհեմից» 35 միլիոն եվրո է պահանջում Պերիշիչի դիմաց Բոսնիայի և Հերցեգովինայի հավաքականը կորուստներ ունի Հայաստանի հետ խաղից առաջ Հայ մարզիկները հատուկ օլիմպիադաների աշխարհի ամառային խաղերում երկու ոսկե և մեկ բրոնզե մեդալ են նվաճել ՈՒԵՖԱ-ն ներկայացրել է Եվրո-2020-ի ընտրական փուլի գնդակը Աշոտ Կարապետյանն այս անգամ բրոնզե մեդալ է նվաճել Թուրքիայի միջազգային մրցաշարում Հրանտ Մելքումյանը և Սամվել Տեր-Սահակյանը Եվրոպայի առաջնության առաջատարներից են Գրիգորյանը և Դանիելյանը Տաշքենդում կիսեցին 3-6-րդ տեղերը Ֆուտբոլի ազգային հավաքականը սկսեց մարզական հավաքը Հայ հրաձիգները բրոնզե մեդալներ են նվաճել Եվրոպայի առաջնությունում Հայ շախմատիստները հաջող մեկնարկեցին Եվրոպայի անհատական առաջնությունում «Ուրարտուն» դուրս եկավ Հայաստանի գավաթի խաղարկության եզրափակիչ Բասկետբոլի Հայաստանի Գավաթ. Արցախը եզրափակչում է Հայ ձյուդոիստները հաջողության չեն հասել Եկատերինբուրգում Գեղասահորդները մեկնարկում են աշխարհի առաջնությունում Մեսսին գերազանցել է «Բարսելոնում» տոնած հաղթանակների քանակի Խավիի ռեկորդը Հայաստանը ներկայացնող 8 շախմատիստներ մեկնարկում են Եվրոպայի անհատական առաջնությունում Լա Լիգա. «Ռեալը» հաղթեց «Սելտային» (տեսանյութ) Լեռանադահուկորդ Աշոտ Կարապետյանն արծաթե մեդալ է նվաճել Թուրքիայում Բռնցքամարտիկներ Գրիգորյանը և Հովսեփյանը Եվրոպայի առաջնության եզրափակչում են Հարոյանը բաց է թողեց «Ուրալ»-ԲԿՄԱ հանդիպումը Դուգլաս Կոստա. Ռոնալդուն շատ արագ բոլորին գրավեց «Յուվենտուսում» «Փյունիկ»-ը նվազագույն հաշվով հաղթեց «Արցախ»-ին «Արցախ»-ը հաղթեց բասկետբոլի գավաթի խաղարկության կիսաեզրափակչի առաջին խաղում Հայաստանի ֆուտբոլի Մ15 տարեկանների թիմը ոչ-ոքի խաղաց Վրաստանի հետ Ալեքսանդր Կարապետյանը դարձել է գոլային փոխանցման հեղինակ Ծանրամարտի Եվրոպայի առաջնությունում Հայաստանը կներկայանա ընդլայնված կազմով Ֆուտբոլի աշխարհի ակումբային առաջնությունը փոփոխության կենթարկվի Հանգստյան օրերին կայանալիք ֆուտբոլային խաղերը Բռնցքամարտիկ Վախթանգ Հարությունյանը դարձել է Եվրոպայի առաջնության բրոնզե մեդալակիր «Ժետիսուն» հաղթել է «Կայսարին». Կամո Հովհաննիսյանն ու Տիգրան Բարսեղյանը խաղացել են միմյանց դեմ Ֆուտբոլի Հայաստանի հավաքականի տնային խաղերի տոմսերը կարող են արժենալ մինչև 12 հազար դրամ Չեմպիոնների լիգա. Մեսսին ու Ռոնալդուն կարող են միմյանց հանդիպել միայն եզրափակչում «Սևիլիան» հեռացրել է գլխավոր մարզչին. նրան փոխարինողի անունը հայտնի է Հայտնի է Եվրոպայի լիգայի քառորդ եզրափակչում «Արսենալ»-ի մրցակիցը
website by Sargssyan