Արթուր Աբրահամ․ Երկու-երեք մենամարտից հետո կավարտեմ կարիերաս
11/02/2018 14:44
Նմանատիպ
Պրոֆեսիոնալ բռնցքամարտիկ Արթուր Աբրահամը անձնական գործերով մեկ շաբաթով ժամանել է Երևան։ ՀԱՕԿ լրատվականի հետ զրույցում Արթուր Աբրահամը տեղեկացրել է, որ շուտով սկսելու է պատրաստվել հաջորդ մենամարտին․
«Բավականին երկար ժամանակ ռինգում չեմ եղել: Դադար էինք տվել: Հանգստանում էի: Շատ շուտով սկսելու եմ նախապատրաստվել հաջորդ մենամարտին, որը կայանալու է ապրիլի 28-ին, բայց մրցակիցս դեռ հայտնի չէ»:
38-ամյա Աբրահամը արդեն մտածում է պրոֆեսիոնալ բռնցքամարտիկի կարիերան ավարտելու մասին.
«Ինձ թվում է՝ երկու-երեք մենամարտից հետո ես էլ կավարտեմ ակտիվ կարիերաս: Բայց սպորտից չեմ հեռանա: Հնարավոր է՝ բռնցքամարտի մենեջեր լինեմ, զբաղվեմ իմ անձնական գործերով», – ասել է բռնցքամարտիկը։
Հետևեք մեզ նաև Telegram-ում