USD
EUR
RUB

«Յուվենտուս»-«Տոտենհեմ». Օրվա կենտրոնական խաղին ընդառաջ

 
 

Չեմպիոնների լիգայի 1/8 եզրափակիչ փուլի զույգերից մեկը կազմել են «Յուվենտուսն» ու «Տոտենհեմը», որոնք նախկինում եվրագավաթների շրջանակում չեն հանդիպել։ Ներկայացնում ենք այսօր կայանալիք հանդիպմանն առնչվող առանցքային փաստերը։

  • «Տոտենհեմը» երկրորդ անգամ է մասնակցում 1/8 եզրափակչին: Խմբային փուլում լոնդոնցիները առաջինն էին քառյակում․ 16 միավոր վաստակելով՝ նրանք շրջանցեցին գործող գավաթակիր «Ռեալին»:
  • «Յուվենտուսը» D խմբում երկրորդ տեղն է գրավել՝ իրենից առաջ թողնելով «Բարսելոնային»: Թուրինցիների համար սա 10-րդ 1/8 եզրափակիչն է: Առաջիկա հակամարտության ժամանակ ՉԼ-ի եզրափակիչ փուլում խաղալու հարուստ փորձն ու 2015, 2017 թվականներին եզրափակիչ դուրս գալը կօգնի թիմին:

Փաստեր և վիճակագրություն

«Յուվենտուս»

  • «Յուվեի» վիճակագրությունը 1/8 եզրափակչում՝ Հ5 Պ3: Մեկ տարի առաջ թուրինցիներն այս փուլում հաղթել են «Պորտուին» (2:0 արտագնա խաղում, 1:0 սեփական դաշտում), իսկ 2015-16թթ. խաղարկությունում պարտվել են «Բավարիային» (2:2 սեփական դաշտում, 2:4 արտագնա խաղի լրացուցիչ ժամանակում): 
  • Թուրինցիներն առաջին տուրում Կատալոնիայում պարտվել են «Բարսելոնային» (0:3), բայց հետագա 5 խաղերում չեն պարտվել (Հ3 Ո2): Ընթացիկ խաղարկությունում սեփական դաշտում անցկացրած 3 խաղում «Յուվենտուսը» հաղթել է «Օլիմպիակոսին» (2:0), «Սպորտինգին» (2:1) և ոչ-ոքի խաղացել «Բարսելոնայի» հետ (0:0): 
  • «Յուվեն» եվրագավաթներում սեփական դաշտում անցկացրած 26 խաղում անընդեջ առանց պարտության է դաշտից հեռացել (Հ16 Ո10): Վերջին անգամ թուրինցիները սեփական մարզադաշտում պարտվել են «Բավարիային» (0:2), 2013-ի ապրիլին: Սա թիմի միակ պարտությունն է «Յուվենտուս Ստեդիումում» անցկացրած եվրագավաթների 31 խաղում (Հ19 Ո11): 
  • Բացի այդ, դա «Յուվեի» միակ պարտությունն է սեփական դաշտում անցկացրած եվրագավաթների վերջին 24 խաղում (Հ15 Ո8): Չեմպիոնների լիգայի 2016-17թթ․ խաղարկության եզրափակիչ փուլում Մասիմիլիանո Ալեգրիի թիմը հաղթել է Թուրինում տեղի ունեցած բոլոր խաղերում: 
  • «Յուվենտուսն» արդեն 6 խաղ է՝ Անգլիան ներկայացնող թիմերին չի պարտվում (Հ3 Ո3): 2015-16թթ․ մրցաշրջանից հետո թուրինցիներն անգլիական թիմերի հետ չեն խաղացել, վերջին անգամ Իտալիայում հանդիպել են «Մանչեսթեր Սիթիին» (1:0): 
  • Անգլիական թիմերի դեմ «Յուվեի» վիճակագրությունը՝ Հ13 Ո5 Պ3: 
  • Անգլիական թիմերի դեմ երկխաղյա դիմակայություններում «Յուվեի» վիճակագրությունը՝ Հ5 Պ8: Թուրինցիները վերջին 5 դեպքում հաղթել են: 

«Տոտենհեմ»

  • «Տոտենհեմը» նախկինում ընդամենը 1 անգամ է խաղացել այս փուլում: 2010-11թթ. խաղարկությունում լոնդոնցիները հաղթել են «Միլանին» (1:0 արտագնա խաղում, 0:0 սեփական դաշտում): 
  • H խմբի արտագնա խաղերում «Տոտենհեմը» 7 միավոր է վաստակել՝ 3:0 ԱՊՕԵԼ-ի դեմ խաղում, 2:1՝ «Բորուսսիայի» հետ և 1:1՝ «Ռեալի»:
  • Եվրոպական արենայում արտագնա վերջին 14 խաղում լոնդոնցիներն ընդամենը 4 հաղթանակ են տարել (Ո4 Պ6): 
  • Իտալական թիմերի դեմ «Տոտենհեմի» 15 խաղի վիճակագրությունը՝ Հ5 Ո6 Պ4 (Հ1 Ո3 Պ4 Իտալիայում): 
  • Իտալական թիմերի դեմ երկխաղյա դիմակայություններում «Տոտենհեմը» 4 վերջնական հաղթանակ է տոնել 1 պարտության դիմաց: Միակ անհաջողությունը գրանցվել է Եվրոպա լիգայի 2014-15թթ. խաղարկության 1/8 եզրափակչի «Ֆիորենտինայի» դեմ խաղերում (1:1 սեփական դաշտում, 0:2 արտագնա խաղում): 

Թիմերի միջև եղած կապը

  • Ֆերնանդո Լյորենտեն «Յուվեի» կազմում է խաղացել 2013-2015 թվականներին, 92 խաղում 27 գոլ խփել: Իսպանացի հարձակվողը երկու անգամ նվաճել է սկուդետոն ու դարձել Իտալիայի գավաթակիր: 
  • Նույն Լյորենտեի գոլը հաղթանակ է բերել «Սևիլյային» «Յուվենտուսի» դեմ Չեմպիոնների լիգայի 2015-16թթ. խաղարկության խմբային փուլում: Այդ պարտության պատճառով «Յուվեն» երկրորդ տեղն է զբաղեցրել խմբային փուլում: 
  • Վոյցեխ Շչենսնին 2010-2015թթ. Պրեմիեր լիգայում «Արսենալի» կազմում 132 խաղի է մասնակցել: «Տոտենհեմի» դեմ խաղացել է 8 անգամ (Հ4 Ո2 Պ2): 
  • Էրիկ Լամելան «Ռոմայի» կազմում խաղացել է 2011-2013թթ: Արգենտինացին Ա Սերիայի 62 խաղում 19 գոլ է խփել: «Յուվեի» դեմ խաղերի նրա վիճակագրությունը՝ Հ1 Ո1 Պ2: 
  • 2005-2006 թվականներին Լամելան «Ռիվեր Փլեյթի» երիտասարդական թիմում էր, իսկ Գոնսալո Իգուայինն արգենտինական գրանդի գլխավոր թիմի խաղացող էր: 
  • Չեմպիոնների լիգայի 2010-11թթ. խաղարկության խմբային փուլում Թոբի Ալդերվեյրելդի «Այաքսը» արտագնա խաղում հաղթել է Ալեգրիի «Միլանին» (2:0), իսկ այսօրվա «Տոտենհեմի» պաշտպանը դարձել է գոլի հեղինակ: 
  • Ջանլուիջի Բուֆֆոնը, Անդրեա Բարձալին և Ջորջո Կյելինին Իտալիայի հավաքականի կազմում հաղթել են Ալդերվեյրելդի և Յան Վերտոնգենի Բելգիային (3:0) Եվրոպայի 2016 թվականի առաջնության խմբային փուլում: 2015-ին բելգիացիներն իրենց հերթին հաղթել են իտալացիներին՝ 3:1: Բուֆֆոնի դարպասը գրավողներից մեկը Վերտոնգենն էր: 

Միասին են խաղացել

  • Միրալեմ Պյանիչ, Ուգո Լյորիս («Լիոն», 2008-11թթ․)
  • Բլեզ Մաթյուդի, Սերժ Օրյե («Պարի Սեն Ժերմեն», 2014-17թթ․)

Հավաքականի խաղընկերներ

  • Բլեզ Մաթյուդի, Ուգո Լյորիս, Մուսա Սիսոկո (Ֆրանսիա)
  • Խուան Կուադրադո, Դավինսոն Սանչես (Կոլումբիա)
  • Գոնսալո Իգուային, Պաուլո Դիբալա, Էրիկ Լամելա (Արգենտինա):
Լրահոս
Շվեդիա-Անգլիա. Մեկնարկային կազմերը հայտնի են Մեծ հաճույքով եմ եկել Հայաստան. Կաֆու Մեծ պատիվ է Երևանում մասնակցել Լեգենդերի խաղին. Աշխարհի չեմպիոն Կանդելա Թենիսիստ Ռոջեր Ֆեդերերը պատմական արդյունքի է հասել Ուիմբլդոնի հերթական հաղթանակից հետո Բելգիան պատմության մեջ երկրորդ անգամ դուրս եկավ կիսաեզրափակիչ՝ հաղթելով Բրազիլիային. Մունդիալ-2018 «Ալաշկերտն» ավարտեց ուսումնամարզական հավաքը Ֆուտբոլի աշխարհի առաջնության քառորդ եզրափակիչի բոլոր զույգերը Կոլումբիա-Անգլիա խաղի լավագույն ֆուտբոլիստը հայտնի է Սալահը երկարաձգել է պայմանագիրը «Լիվերպուլ»-ի հետ Արգենտինայի մարզիչը կհեռանա Ուրուգվայ-Պորտուգալիա. մեկնարկային կազմերը հայտնի են Ֆրանսիա-Արգենտինա խաղի լավագույն ֆուտբոլիստը հայտնի է Ֆրանսիա-Արգենտինա. մեկնարկային կազմերը ՖԻՖԱ-ն դադարեցրել է համագործակցությունը Մարադոնայի հետ. ԶԼՄ-ներ Լևոն Արոնյանը կրկին դուրս մնաց ՖԻԴԵ-ի դասակարգման աղյուսակի լավագույն տասնյակից Բռնցքամարտիկ Նարեկ Աբգարյանը նվաճեց WBC International Silver գոտին Հայկ Մարտիրոսյանը հաղթեց Կարեն Ասրյանի հուշամրցաշարում «Բանանց»-ը 2:2 հաշվով է ավարտել հանդիպումն Ուզբեկստանի չեմպիոնի հետ Բռնցքամարտիկ Նարեկ Աբգարյանը կմենամարտի WBC International Silver գոտու համար Գևորգ Ղազարյանը հեռացել է «Մարիտիմու»-ից Սերբիա-Բրազիլիայի խաղի լավագույն ֆուտբոլիստը հայտնի է Մեղադրանք է առաջադրվել «Շիրակ» ֆուտբոլային ակումբի մարզչական տնօրենին Ֆրանսիան բարդ մրցակից է. Իգուաին Հրանտ Մելքումյանը Կարեն Ասրյանի հուշամրցաշարի երկու առաջատարից մեկն է Մունդիալ-2018. ինչ խաղեր կան այսօր Մունդիալի փլեյ-օֆֆում թիմերը կխաղան այլ գնդակով Արգենտինա-Նիգերիա խաղի լավագույն ֆուտբոլիստը հայտնի է Արգենտինայի վերջին հնարավորությունը. ինչ խաղեր կան այսօր «Ալաշկերտ»-ը հավաք է անցկացնում Մինսկում 5 շախմատիստ գլխավորում են Կարեն Ասրյանի հուշամրցաշարի աղյուսակը Մատս Հյումելսը մարզվել է ընդհանուր խմբի հետ «Շիրակ» ֆուտբոլային ակումբի մարզիչը կասկածվում է մրցակից ակումբի ֆուտբոլիստին կաշառելու մեջ Լեհաստան-Կոլումբիա. մեկնարկային կազմերը հայտնի են Ճապոնիա-Սենեգալ խաղն ավարտվեց ոչ-ոքի. H խումբ Ռոման Բերեզովսկին կմասնակցի Լեգենդների խաղին Մալդինիի, Կրեսպոյի, Բատիստուտայի հետ միասին Անգլիա-Պանամա. մեկնարկային կազմերը հայտնի են Անգլիան ջախջախեց Պանամային. Քեյնը հեթ-տրիկի հեղինակ. G խումբ Բելգիա-Թունիս խաղի լավագույն ֆուտբոլիստը հայտնի է Բելգիան գոլառատ խաղով հաղթեց Թունիսին. G խումբ Մարադոնան քննադատում է Արգենտինայի հավաքականին` ամբողջովին խաղին չնվիրվելու համար
Ամենաընթերցված
website by Sargssyan