Ռոնալդու․ ՊՍԺ-ի հետ դիմակայությունը վճռորոշ է ամբողջ մրցաշրջանի համար
Նմանատիպ
Մադրիդի «Ռեալի» հարձակվող Կրիշտիանու Ռոնալդուն 5-րդ անգամ ստացել է «Goal 50 Award» մրցանակը, որը շնորհվում է մրցաշրջանի արդյունքներով լավագույն ֆուտբոլիստին։ Պորտուգալացի ռմբարկուն մրցանակի և «Պարի Սեն Ժերմենի» հետ առաջիկա դիմակայության մասին իր մեկնաբանությունն է տվել։
-Շատ հաճելի է ևս մեկ անգամ ստանալ այս մրցանակը։ Շնորհակալ եմ իմ օգտին քվեարկողներին, բայց առաջնահերթ թիմակիցներիս և մարզիչներիս, քանի որ առանց նրանց հաջողության չէի հասնի։
ՊՍԺ-ի հետ դիմակայությունը վճռորոշ է ամբողջ մրցաշրջանի համար։ Մենք հիանալի թիմի դեմ ենք խաղալու։ ՊՍԺ-ում հրաշալի ֆուտբոլիստներ կան, որոնց մենք հարգում ենք։ Արդեն ցույց ենք տվել, որ Չեմպիոնների լիգայում մենք միասնական, ուժեղ և փորձառու թիմ ենք։
Ինքս միշտ փորձում եմ լավագույն մակարդակով հանդես գալ, սակայն երբեմն չի ստացվում այնպես, ինչպես ցանկանում եմ։ Ամեն դեպքում, փորձն ինձ սովորեցրել է, որ անկախ ամեն ինչից պետք է շարունակել տքնաջան աշխատել, այդ դեպքում հնարավոր է հասնել նպատակներին,- Ռոնալդուի խոսքը փոխանցում է «Ռեալի» պաշտոնական կայքը։
Հիշեցնենք, որ «Ռեալ» – ՊՍԺ առաջին հանդիպումը կայանալու է փետրվարի 14-ին։
Հետևեք մեզ նաև Telegram-ում