USD
EUR
RUB

Ի՞նչ է պետք իմանալ «Չելսի» - «Բարսելոնա» խաղից առաջ

 
 

Վեց տարի անց «Չելսին» ու «Բարսելոնան» նորից հանդիպում են եվրագավաթի շրջանակում։ Այսօր կայանալու է Չեմպիոնների լիգայի 1/8 եզրափակիչ փուլում նրանց դիմակայության առաջին հանդիպումը, որին առնչվող ամենաուշագրավ փաստերը ներկայացնում ենք ձեր ուշադրությանը։

  • Թիմերը եվրագավաթներում 12 հանդիպում են ունեցել, բոլորը Չեմպիոնների լիգայի շրջանակում: Եզրափակիչ փուլերում 5 անգամ են հանդիպել ու ամեն անգամ իսկական ֆուտբոլային ներկայացում ցույց տվել երկրպագուների համար:
  • Թիմերը երրորդ անգամ են խաղում 1/8 եզրափակչում։ «Բարսելոնան» հաղթանակի դեպքում 11-րդ անգամ կհայտնվի 1/4 եզրափակչում: «Չելսին» վերջին 5 մրցաշրջանում միայն 1 անգամ է 1/8 եզրափակչի արգելքը հաղթահարել, իսկ վերջին 2 մասնակցությունն ավարտել է հենց այս փուլում:

Նախորդ հանդիպումները

  • Մրցակիցները 12 հանդիպում են անցկացրել, 4 անգամ «Չելսին» է հաղթել, 3 անգամ՝ «Բարսելոնան», մյուս հանդիպումները ոչ-ոքի են ավարտվել:
  • Վերջին հաղթանակը լոնդոնցիներինն է եղել: 2011-12թթ. մրցաշրջանի կիսաեզրափակչի առաջին խաղն անցկացվել է Լոնդոնում, միակ գոլը խփել է Դիդյե Դրոգբան: Թվում էր՝ պատասխան խաղի արդեն առաջին կեսում «Բարսան» ամեն ինչ առանց դժվարության ուղղել է․ 35-րդ րոպեին Բուսկետսը հավասարեցրեց ընդհանուր հաշիվը, 37-րդ րոպեին «Չելսիի» կազմում կարմիր քարտ ստացավ Ջոն Թերիին, 43-րդ րոպեին էլ Ինյեստան աչքի ընկավ: Սակայն խաղակեսին ավելացված ժամանակում լոնդոնցիների կիսապաշտպան Ռամիրեսը արտագնա խաղում կարևոր գոլ խփեց: Երկրորդ կեսի սկզբում դաշտի տերերը 11-մետրանոց վաստակեցին, սակայն Լիոնել Մեսսին վրիպեց։ Մնացած ժամանակահատվածում «Բարսելոնան» բրիտանացիների կիսադաշտում էր, բայց Ֆերնանդո Տորրեսը հասցրեց հարմար պահ գտնել ու գոլ խփել: «Չելսին» դուրս եկավ եզրափակիչ, որտեղ էլ հաղթեց «Բավարիային»: Այժմ «Չելսիում» հանդես եկող Ֆաբրեգասը և Ռոդրիգեսը այդ խաղերի ժամանակ «Բարսելոնայի» կազմում էին: 

  • Թիմերի միջև դրամատիկ մյուս հանդիպումը 2009-ի մայիսի 6-ին է տեղի ունեցել: Առաջին կիսաեզրափակչում 0:0 հաշվից հետո կատալոնացիներն ու լոնդոնցիները հանդիպել են «Սթեմֆորդ Բրիջում»: 9-րդ րոպեին Էսսյենն առաջ է տարել «Չելսիին», ապա «Բարսելոնայի» կազմում կարմիր քարտ է ստացել Էրիկ Աբիդալը: Ավելացված ժամանակում կատալոնացիների կազմում հերոսացել է Ինյեստան:

    «Բարսելոնան» Չեմպիոնների լիգայի 5 երկխաղյա դիմակայություններից 3-ում հաղթել է «Չելսիին», բայց 1/8 եզրափակչում ցուցանիշը հավասար է՝ 1:1: Կատալոնացիները հաղթել են 2005-06թթ. խաղարկության եզրափակիչ փուլի առաջին տուրում (2:1 արտագնա խաղում, 1:1 սեփական դաշտում), իսկ «Չելսին» ռևանշի է հասել մեկ տարի անց, երբ «Կամպ Նոու» մարզադաշտում պարտվելուց հետո (1:2) հաղթել է Լոնդոնում (4:2):
  • 1999-2000թթ. խաղարկության 1/4 եզրափակչում «Չելսին» սեփական դաշտում հաղթել է «Բարսելոնային» 3:1 հաշվով, բայց պատասխան խաղում պարտվել է լրացուցիչ ժամանակում՝ 1:5: 
  • Թիմերը հանդիպել են նաև 2006-07թթ. մրցաշրջանի խմբային փուլում: «Չելսին» Լոնդոնում հաղթել է 1:0 հաշվով, իսկ պատասխան խաղն ավարտվել է ոչ-ոքի (2:2):

Թիմերին առնչվող փաստեր

«Չելսի»

  • «Չելսին» 8 անգամ հաղթահարել է Չեմպիոնների լիգայի 1/8 եզրափակչի արգելքը և 4 անգամ ելույթներն ավարտել այդ նույն փուլում: 2014-15թթ․, 2015-16թթ. խաղարկություններում «Չելսին» ելույթներն ավարտել է 1/8 եզրափակչում «Պարի Սեն Ժերմենից» կրած պարտությամբ:
  • Երրորդ անգամն է, որ «Չելսին» եզրափակիչ փուլը սկսում է սեփական դաշտից: Նախորդ երկու դեպքում մեկ հաղթանակ և մեկ պարտություն է գրանցել, հասել 1/4 եզրափակիչ ու վայր դրել զենքերը: 
  • «Չելսին» եվրագավաթներում երկխաղյա 10 դիմակայություն է ունեցել իսպանական թիմերի դեմ (Հ4 Պ6): Նման վերջին հանդիպումը գրանցվել է 2013-14թթ. մրցաշրջանի կիսաեզրափակիչում: «Ատլետիկոյի» դեմ մադրիդյան ոչ-ոքիից հետո լոնդոնցիները սեփական դաշտում պարտվել են 1:3 հաշվով:
  • Այս մրցաշրջանում «Չելսին» խաղացել է «Ատլետիկոյի» հետ խմբային փուլում և 2 խաղում 3 միավոր վաստակել: «Ատլետիկոյի» նկատմամբ երկրորդ տուրում տոնած հաղթանակը (2:1) վերջակետ է դրել իսպանական թիմերի դեմ խաղերում «Չելսիի» առանց հաղթանակների շարքին (Ո3 Պ5): 
  • C խմբում Անտոնիո Կոնտեի թիմը սեփական դաշտում անցկացրած 3 խաղում 5 միավոր է վաստակել: «Չելսին» եվրագավաթների ելույթներն այս մրցաշրջանում սկսել է «Ղարաբաղի» դեմ հաղթանակով (6:0), ապա 3:3 խաղացել «Ռոմայի» և 1:1 «Ատլետիկոյի» հետ:

  • Իսպանիայի առաջնությունը ներկայացնող թիմերի դեմ «Չելսիի»՝ սեփական դաշտում անցկացրած խաղերի վիճակագրությունը՝ Հ9 Ո5 Պ2: Լոնդոնցիները 2014-ին պարտվել են «Ատլետիկոյին», իսկ 2005-06թթ. խաղարկության 1/8 եզրափակչի առաջին խաղում՝ «Բարսելոնային» (1:2):
  • Անցյալ մրցաշրջանում «Չելսին» եվրագավաթներին չի մասնակցել՝ առաջին անգամ 1996-97թթ․ մրցաշրջանից հետո: 

«Բարսելոնա»

  • «Բարսելոնան» 2004-05թթ․ մրցաշրջանից սկսած Չեմպիոնների լիգայի 1/8 եզրափակչի անփոփոխ մասնակիցն է ու այդ մրցաշրջանից սկսած 13 դեպքից 11 անգամ անցել է մյուս փուլ: Երկու անգամ զիջել են հենց անգլիական թիմերին: 2005-ին «Չելսին» է կատալոնացիներին կանգնեցրել, իսկ 2 տարի անց՝ «Լիվերպուլն» արտագնա խաղում խփած գոլի կանոնով (1:2 սեփական դաշտում և 1:0 արտագնա խաղում):
  • 1 տարի առաջ Լուիս Էնրիկեի մարզած թիմը Չեմպիոնների լիգայի 1/8 եզրափակչի նոր ռեկորդ է սահմանել՝ հաղթելով 4 գնդակի տարբերությամբ պարտվելուց հետո: Ֆրանսիայում ՊՍԺ-ին 0։4 հաշվով պարտվելուց հետո «Բարսելոնան» պատասխան խաղում հաղթեց 6:1 հաշվով։
  • Վերջին անգամ կատալոնացիներն Անգլիա են գնացել Չեմպիոնների լիգայի նախորդ խաղարկությունում: Խմբային փուլում «Բարսելոնան» «Մանչեսթեր Սիթիին» պարտվել է 1:3 հաշվով: Դրանից առաջ անգլիական թիմերի դեմ վերջին 3 արտագնա խաղերում կատալոնացիները հաղթել էին։
  • «Բարսելոնայի» վիճակագրությունն անգլիական թիմերի դեմ արտագնա խաղերում՝ Հ9 Ո8 Պ15:
  • Չեմպիոնների լիգայի ընթացիկ խաղարկության խմբային փուլում «Բարսելոնան» արտագնա 3 խաղում 5 միավոր է վաստակել: «Սպորտինգի» դեմ հաղթանակին (1:0) հաջորդել են «Օլիմպիակոսի» և «Յուվենտուսի» հետ ոչ-ոքիները:
  • «Բարսելոնան» Չեմպիոնների լիգայի արտագնա վերջին 7 խաղում պարտվել է 3 անգամ, այդ թվում՝ ՊՍԺ-ին Ֆրանսիայում (0:4), հաջորդ փուլում էլ «Յուվենտուսին» (0:3): Եթե դիտարկենք ՉԼ-ում «Բարսելոնայի» արտագնա վերջին 14 խաղերը, ապա հետևյալ պատկերը կստանանք՝ Հ5 Ո4 Պ5:
  • Կատալոնական ակումբն անգլիական թիմերի դեմ 23 երկխաղյա դիմակայություններից 13-ում հաղթել է: «Չելսիի» դեմ 2012-ի խաղում կրած պարտությունը վերջինն է Անգլիան ներկայացնող թիմերի դեմ 7 երկխաղյա դիմակայություններում:

Թիմերի միջև եղած կապը

  • Լոնդոնյան թիմի գլխավոր մարզիչ Անտոնիո Կոնտեն «Յուվենտուսի» պահեստային ֆուտբոլիստն էր «Բարսելոնայի» դեմ Չեմպիոնների լիգայի 2002-03թթ. խաղարկության 1/4 եզրափակչի 2 խաղերում: Այդ անգամ հաջողությունն իտալացիների կողմն էր:
  • Ֆաբրեգասն ու Պեդրոն «Բարսելոնայի» ակադեմիայի սաներ են: Ֆաբրեգասը 2003-ին տեղափոխվել է «Արսենալ», բայց 8 տարի անց վերադարձել է «Բարսա» ու Իսպանիայի առաջնության 96 խաղում 28 գոլի հեղինակ դարձել: Կատալոնացիների հետ նա դարձել է ՈւԵՖԱ-ի սուպերգավաթակիր, նվաճել է Իսպանիայի գավաթը, դարձել երկրի չեմպիոն և 2014-ին տեղափոխվել է «Չելսի»:
  • 2008-09թթ․, 2010-11թթ․, 2014-15թթ․ մրցաշրջաններում Պեդրոն «Բարսելոնայի» հետ հաղթել է Չեմպիոնների լիգայում: Հարձակվողը տոնել է ՈւԵՖԱ-ի Սուպերգավաթի 3 հաղթանակ, 2 անգամ նվաճել աշխարհի ակումբային առաջնության գավաթը, դարձել Իսպանիայի հնգակի չեմպիոն, 3 անգամ նվաճել երկրի գավաթը: Իսպանացին «բլաուգրանայի» գլխավոր թիմում է հանդես եկել 2008-2015թթ., երբ Պրիմերայի շրջանակում 58 գոլ է խփել 204 խաղում:

Խաղացել են Անգլիայում

  • Տոմաս Վերմալեն («Արսենալ» 2009-14թթ․)
  • Լուիս Սուարես («Լիվերպուլ» 2011-14թթ․)
  • Ժերար Պիկե («Մանչեսթեր Յունայթեդ» 2004-06թթ․, 2007-08թթ․)
  • Պաուլինյո («Տոտենհեմ» 2013-15թթ․)

Խաղացել են Իսպանիայում

  • Տիբո Կուրտուա («Ատլետիկո» 2011-14թթ․)
  • Ալվարո Մորատա («Ռեալ Մադրիդ» 2010-14թթ․, 2016-17թթ․)
  • Սեսար Ասպիլիկուետա («Օսասունա» 2006-10թթ․)
  • Մարկոս Ալոնսո («Կաստիլյա» 2008-10թթ․, «Ռեալ» 2010թ․)
  • Վիլլի Կաբալյերո («Էլչե» 2004-06թթ․, 2006-11թթ․, «Մալագա» 2011-14թթ․)

Խաղացել են միասին

  • Դավիդ Լուիս և Լյուկա Դին (ՊՍԺ, 2014-15թթ․)

Հավաքականի խաղընկերներ

  • Ալվարո Մորատա, Սեսար Ասպիլիկուետա, Պեդրո Ռոդրիգես, Սեսկ Ֆաբրեգաս, Ժերար Պիկե, Ժորդի Ալբա, Դենիս Սուարես, Սերխիո Բուսկետս, Սերժի Ռոբերտո, Անդրես Ինյեստա, Պակո Ալկասար (Իսպանիա)
  • Էդեն Ազար, Տիբո Կուրտուա, Տոմաս Վերմալեն (Բելգիա)
  • Տյեմուե Բակայոկո, Ն՛Գոլո Կանտե, Լյուկա Դին, Ուսման Դեմբելե, Սամուել Ումտիտի (Ֆրանսիա)
  • Դավիդ Լուիս, Վիլլիան, Պաուլինկո (Բրազիլիա)
  • Անտոնիո Ռյուդիգեր, Մարկ-Անդրե տեր Շտեգեն (Գերմանիա)

Սուարեսը 2 գոլ է խփել «Չելսիի» դեմ 6 խաղում, երբ դեռ «Լիվերպուլի» ֆուտբոլիստ էր (Հ2 Ո2 Պ2):

Օլիվյե Ժիրուն մասնակցել է 2015-16թթ. խաղարկության 1/8 եզրափակչի 2 խաղին, երբ «Արսենալը» 2 անգամ պարտվել է «Բարսելոնային» (0:2 սեփական դաշտում և 1:3 արտագնա խաղում):

Կուրտուան 10 անգամ հանդիպել է «Բարսելոնային», երբ դեռ «Ատլետիկոյի» կազմում էր (Հ1 Ո5 Պ4): Բելգիացին միակ հաղթանակը տոնել է 2014 թվականի 1/4 եզրափակչում, որից հետո մադրիդցիները հասել են եզրափակիչ:

Մորատան «Բարսելոնայի» դարպասը գրավել է 2015 թվականի եզրափակչում երբ խաղում էր «Յուվենտուսի» կազմում: 

Լրահոս
Լեհաստան-Կոլումբիա. մեկնարկային կազմերը հայտնի են Ճապոնիա-Սենեգալ խաղն ավարտվեց ոչ-ոքի. H խումբ Ռոման Բերեզովսկին կմասնակցի Լեգենդների խաղին Մալդինիի, Կրեսպոյի, Բատիստուտայի հետ միասին Անգլիա-Պանամա. մեկնարկային կազմերը հայտնի են Անգլիան ջախջախեց Պանամային. Քեյնը հեթ-տրիկի հեղինակ. G խումբ Բելգիա-Թունիս խաղի լավագույն ֆուտբոլիստը հայտնի է Բելգիան գոլառատ խաղով հաղթեց Թունիսին. G խումբ Մարադոնան քննադատում է Արգենտինայի հավաքականին` ամբողջովին խաղին չնվիրվելու համար Ջոկովիչը պրոֆեսիոնալ կարիերայում տոնեց 800-րդ հաղթանակը Բասկետբոլի թիմը պարտվել է Քաթարին «Ռեալ»-ը նոր դարպասապահ ունի Կարեն Ասրյանի հուշամրցաշարի առաջատարները 6 շախմատիստներ են Հայտնի է Սերբիա-Շվեյցարիա խաղի լավագույն ֆուտբոլիստը Արգենտինայի մարզիչը հեռացման դեպքում 20 միլիոն դոլար կստանա Բրազիլիա-Կոստա Ռիկա. մեկնարկային կազմերը հայտնի են «Ես ֆավորիտ չեմ, ֆավորիտը Ֆեդերերն է». Ջոկովիչ Արգենտինացի ֆուտբոլիստները պահանջում են մարզչի հեռացումը մինչև Նիգերիայի հետ խաղը Մեկնարկեց Կարեն Ասրյանի հուշամրցաշարը Բասկետբոլի հավաքականի խաղացանկում փոփոխություններ են տեղի ունեցել Լոնդոնի «Արսենալ»-ը նոր դարպասապահ ունի «Ատլետիկո»-ն երկարաձգել է պայմանագիրը Գրիզմանի հետ Չեմպիոնների լիգայում «Ալաշկերտ»-ի հիմնական մրցակիցները Ֆավորիտ Բելգիան հաղթեց Պանամային. G խումբ Շվեդիան նվազագույն հաշվով հաղթեց Հարավային Կորեային. F խումբ Ծանրամարտի Հայաստանի հավաքականը հունիսի 20-ից հավաք կանցկանցի Աբովյանում Դպրոցական ըմբիշները ևս երեք մեդալ են նվաճել Եվրոպայի առաջնությունում Ֆեդերերն առաջինն է աշխարհում ԱԱ-2018․ Բրազիլիան չկարողացավ հաղթել Շվեյցարիային (տեսանյութ) ԱԱ-2018․ Աշխարհի գործող չեմպիոն Գերմանիան մեկնարկեց պարտությամբ (տեսանյութ) Դանիան նվազագույն հաշվով հաղթեց Պերուին. C խումբ Մենք արժանի էինք հաղթանակի. Մեսսի Յոահիմ Լյովը հույս ունի հաղթել Մեքսիկայի թիմին Արգենտինա-Իսլանդիա խաղի մեկնարկային կազմերը հայտնի են Ֆրանսիան հաղթեց Ավստրալիային. C խումբ Պորտուգալիան և Իսպանիան հաղթողին չորոշեցին, Ռոնալդուն՝ հեթ-տրիկի հեղինակ (տեսանյութ) Բասկետբոլի Հայաստանի հավաքականի կազմում տեղի են ունեցել փոփոխություններ Բասկետբոլի հավաքականը կմրցի Սիրիայի թիմի հետ Մարմնամարզության Հայաստանի բացարձակ չեմպիոնը Արթուր Դավթյանն է Լևոն Արոնյանն արագ շախմատում երկրորդն է. «Grand chess tour» Մեկնարկում է ֆուտբոլի աշխարհի 21-րդ առաջնությունը
website by Sargssyan