Մխիթարյան. Չեմ հասկանում մարդկանց, ովքեր ինձ ու Օզիլին անհամատեղելի են համարում
22/02/2018 20:00
Նմանատիպ
Հայաստանի հավաքականի ու «Արսենալի» կիսապաշտպան Հենրիխ Մխիթարյանը մեկնաբանել է քննադատական խոսքերն այն մասին, որ լոնդոնյան թիմում նա ու Մեսութ Օզիլը համատեղելի չեն:
«Չեմ հասկանում, թե ինչու են մարդիկ կասկածի տակ դնում իմ ու Օզիլի` խաղադաշտում համատեղելիությունը: Վայելում եմ Մեսութի հետ խաղը, նա հիասքանչ ֆուտբոլիստ է: Հետզհետե մեր համագործակցությունն ամրապնդվում է, իսկ նրա տաղանդի մասին բոլորը գիտեն: Ինչո՞ւ չպետք է ստացվի մեր ընդհանուր խաղը, ինչո՞ւ երկու խաղարկողներ չեն կարող միասին գործել:
Նույնիսկ, երբ մենք շատ լավ ենք հանդես գալիս, միևնույն է որոշ բաներ բարելավելու տեղ է մնում: Ամեն ինչում հնարավոր է կատարելագործվել»,- 29-ամյա ֆուտբոլիստի խոսքերն է մեջբերում goal.com-ը:
Ավելի վաղ Հենրիխն Օզիլին անվանել էր աշխարհի լավագույն ենթահարձակվողը:
Հետևեք մեզ նաև Telegram-ում