«Մանչեսթեր Սիթին» պարտվեց, բայց դուրս եկավ քառորդ եզրափակիչ (տեսանյութ)

Չեմպիոնների լիգայի 1/8 եզրափակչի շրջանակում առանց իր մի քանի առաջատարների հանդես եկող «Մանչեսթեր Սիթին» սեփական հարկի տակ ընդունել է «Բազելին» ու 1:2 հաշվով պարտություն կրել: Առաջին խաղում Պեպ Գվարդիոլայի թիմն առավելության էր հասել 4:0 հաշվով, ուստի ընդհանուր դիմակայությունում հաղթել է 5:2 հաշվով:

Խաղի հաշիվը բացվել է արդեն 8-րդ րոպեին: Բերնարդու Սիլվայի փոխանցումից հետո մոտ տարածությունից տանտերերին առաջ է մղել Գաբրիել Ժեզուսը:

Ընդամենը 9 րոպե անց շվեյցարական թիմը պատասխան գոլն է խփել: Անդրադարձից հետո հիանալի դիրքում է հայտնվել Մոհամեդ Էլյունուսին, ով ռմբահարել է դարպասը:

71-րոպեին աջ պաշտպան Մայքլ Լանգը սուր անկյան տակ կատարած տպավորիչ հարվածով հաղթանակ է պարգևել հյուրերին:

Այսպիսով, «քաղաքայիններն» իրենց պատմության ընթացքում երկրորդ անգամ դուրս եկան Չեմպիոնների լիգայի քառորդ եզրափակիչ:

Տեսանյութ