Հայտնի է Քեյնի ապաքինման ժամկետը
14/03/2018 19:19
Նմանատիպ
«Տոտենհեմի» հարձակվող Հարի Քեյնը վնասվածք էր ստացել Պրեմիեր լիգայի 30-րդ տուրի՝ «Բորնմութի» դեմ արտագնա հանդիպման (4:1) առաջին խաղակեսում:
Լոնդոնցիների պաշտոնական կայքից տեղեկանում ենք, որ անգլիացին բուժզննում է անցել, որի ժամանակ հաստատվել է աջ ոտնաթաթի կապանների վնասվածքը:
24-ամյա ֆուտբոլիստը թիմի մարզումներին է վերադառնալու ապրիլին: Այսպիսով, Քեյնը նվազագույնը բաց կթողնի «Սուոնսիի» ու «Չելսիի» դեմ առաջիկա հանդիպումները: Հարձակվողը չի մասնակցի նաև մարտի վերջին կայանալիք Անգլիայի հավաքականի մրցավեճերին:
Պրեմիեր լիգայի ընթացիկ առաջնության 29 խաղում Հարին 24 գոլ է խփել ու 2 գոլային փոխանցում կատարել:
Հետևեք մեզ նաև Telegram-ում