«Փյունիկը» հաղթեց առաջատարին

Մարտի 17-ին կայացավ Հայաստանի Բարձրագույն խմբի առաջնության 19-րդ տուրի «Փյունիկ» – «Ալաշկերտ» հանդիպումը։ Դաշտի տերերը 3։1 հաշվով առավելության հասան մրցաշարային աղյուսակի առաջատարի նկատմամբ։

«Փյունիկ» – «Ալաշկերտ»՝ 3:1 (2:0)
Գոլերը՝ Դրիսա Դիարասուբա 17՛, Ալիք Առաքելյան 22՛, Պետրոս Ավետիսյան 45+2՛ («Փյունիկ») – Սաննի Օմորեգիեն 58՛ («Ալաշկերտ»)

Այս հաղթանակից հետո «Փյունիկն» ունի 24 միավոր և զբաղեցնում է մրցաշարային աղյուսակի հինգերորդ հորիզոնականը, իսկ «Ալաշկերտը» 34 միավորով շարունակում է մնալ առաջատարի կարգավիճակում։

Լուսանկարը՝ ՀՖՖ պաշտոնական կայքի