Հռչակավոր բիաթլոնիստն ավարտել է կարիերան
09/04/2018 18:10
Նմանատիպ
Օլիմպիական խաղերի քառակի չեմպիոն Էմիլ Հեգլե Սվենդսենը հայտարարել է կարիերան ավարտելու մասին:
«Նախապես մտածում էի մասնակցել Աշխարհի գավաթի հաջորդ խաղարկությանն ու Էստերսունդում կայանալիք Աշխարհի առաջնությանը, սակայն հետո որոշեցի, որ ավելի ճիշտ կլինի հեռանալ Օլիմպիադայից հետո: Կարիերաս ավարտելու ժամանակն է»,- 32-ամյա բիաթլոնիստի խոսքերն է մեջբերում vg.no-ն:
Կարիերայի ընթացքում նորվեգացին 38 անհատական հաղթանակ է տոնել Աշխարհի գավաթի մրցումներում, ինչպես նաև Աշխարհի առաջնությունում 12 ոսկե մեդալ նվաճել: Փհենչհանում կայացած Օլիմպիական խաղերում Սվենդսենը Նորվեգիայի հավաքականի դրոշակակիրն էր:
Հիշեցնենք, որ ապրիլի 4-ին կարիերան ավարտել է մեկ այլ լեգենդար նորվեգացի բիաթլոնիստ` Ուլե Էյնար Բյորնդալենը:
Հետևեք մեզ նաև Telegram-ում