«Մանչեսթեր Յունայթեդը» ամրապնդվեց երկրորդ տեղում (տեսանյութ)

«Մանչեսթեր Յունայթեդը» ամրապնդվեց երկրորդ տեղում (տեսանյութ)

Անգլիայի գավաթի կիսաեզրափակչի խաղացանկի պատճառով Պրեմիեր լիգայի 35-րդ տուրի՝ «Բորնմութ» – «Մանչեսթեր Յունայթեդ» հանդիպումը կայացել է այսօր: «Կարմիր սատանաներն» առավելության են հասել 2:0 հաշվով:

Առաջին կեսում (28՛) հյուրերին առաջ է մղել Կրիս Սմոլինգը, իսկ երկրորդում (70՛) հաղթանակն ամրապնդել է Ռոմելու Լուկակուն: Առաջին գնդակի ժամանակ գոլային փոխանցմամբ աչքի է ընկել Ջեսի Լինգարդը, իսկ երկրորդ դեպքում` Պոլ Պոգբան:

Այդ հաղթանակի շնորհիվ Ժոզե Մոուրինյուի թիմը վաստակել է 74 միավոր և երրորդ տեղում ընթացող «Լիվերպուլի» նկատմամբ առավելությունը կրկին հասցրել 4-ի: «Բորնմութը» 38 միավորով 11-րդ հորիզոնականում է:

Հետևեք մեզ նաև Telegram-ում