«Արսենալ»-ը պարտվեց առանց Մխիթարյան
12/01/2019 18:17
Նմանատիպ
ԵՐԵՎԱՆ, 12 ՀՈՒՆՎԱՐԻ, ԱՐՄԵՆՊՐԵՍ: Ֆուտբոլի Անգլիայի առաջնության 22-րդ տուրի շրջանակներում Լոնդոնի «Արսենալ»-ը հյուրընկալվել էր «Վեստ Հեմ»-ին:
«Արմենպրես»-ի հաղորդմամբ` առաջին խաղակեսում երկու թիմերը չօգտագործեցին իրենց հնարավորությունները բացելու խաղի հաշիվը: Միայն երկրորդ կեսի մեկնարկում 48-րդ րոպեին Դեկլան Ռայս առաջ մղեց «Վեստ Հեմ»-ին: Հետագայում «զինագործներին» չհաջողվեց հետ բերել կորցրածը և թիմը պարտվեց նվազագույն հաշվով` 1:0:
Հայաստանի ֆուտբոլի ազգային թիմի կիսապաշտպան Հենրիխ Մխիթարյանը վնասվածքի պատճառով չմասնակցեց խաղին:
Այս տուրից հետո «Արսենալ»-ն ունի 41 միավոր և մրցաշարային աղյուսակում 5-րդն է:
Հաջորդ հանդիպումը «զինագործները» կանցկացնեն հունվարի 19-ին` սեփական հարկի տակ հյուրընկալելով «Չելսի»-ին:
Հետևեք մեզ նաև Telegram-ում