«Չելսի»-ն աշխատանք կառաջարկի Չեխին

«Չելսի»-ն աշխատանք կառաջարկի Չեխին

ԵՐԵՎԱՆ, 16 ՀՈՒՆՎԱՐԻ, ԱՐՄԵՆՊՐԵՍ: Լոնդոնի «Չելսի» ֆուտբոլային ակումբը աշխատանք կառաջարկի Պետր Չեխին, ով մրցաշրջանի ավարտին կավարտի կարիերան:

«Արմենպրես»-ի հաղորդմամբ` այս մասին գրում է The Times պարբերականը: Եթե Չեխը ընդունի «ազնվականների» առաջարկը, ապա կաշխատի կամ մարզչական շտաբում, կամ կլինի ակումբի դեսպանը:

Չեխը կարիերան սկսել է որպես կիսապաշտպան, հետո խաղացել է որպես դարպասապահ։ 10 տարեկանում՝ ոտքը կոտրելուց հետո, Չեխը ընտրում է դարպասապահի դիրքը:

2015 թվականից հանդես է գալիս «զինագործների» կազմում:

2002 թվականից հանդես էր գալիս Չեխիայի ազգային հավաքականի կազմում, որտեղ անցկացրել է 124 հանդիպում:

2016 թվականին նա ավարտել էր կարիերան նաև ընտրանու կազմում:

 

Հետևեք մեզ նաև Telegram-ում