«Ալաշկերտը» նոր ֆուտբոլիստը
Նմանատիպ
ԵՐԵՎԱՆ, 1 ՄԱՐՏԻ, ԱՐՄԵՆՊՐԵՍ: «Ալաշկերտը» ևս մեկ ֆուտբոլիստ է ձեռք բերել ձմեռային տրանսֆերային պատուհանի ընթացքում:
«Արմենպրես»-ի հաղորդմամբ` ակումբի ղեկավարությունը պայմանագիր է ստորագրել 22-ամյա ռուս հարձակվող Նիկիտա Տանկովի հետ: Տանկովը «Ռուբինի» սան է, հանդես է եկել Կազանի ակումբի երկրորդ թիմում, եղել է Սանկտ-Պետերբուրգի «Զենիթի» հետաքրքրության ոլորտում, այնուհետև հանդես է եկել Սմոլենսկի և «Դնեպր» (նախկինում՝ ՑՐՖՍՕ) ակումբներում` ընդգրկվելով Ռուսաստանի երկրորդ դիվիզիոնի (ՊՖԼ) ամենահեռանկարային ֆուտբոլիստների շարքում:
Արագավազ ֆուտբոլիստը մասնակցել է Բելեկում կայացած երկրորդ ուսումնամարզական հավաքին և լավ տպավորություն է թողել մարզչական շտաբի վրա: Ռուս հարձակվողը փոխարինման է մտել ղազախական «Օրդաբասիի» դեմ խաղում` դառնալով հաղթական գոլի հեղինակ:
Հատկանշական է, որ 2017 թվականին Նիկիտա Տանկովը Մինսկում կայացած ստուգողական խաղում գրավել է «Ալաշկերտի» դարպասը ռուսական «Լուչ-Էներգիայի» կազմում:
Հետևեք մեզ նաև Telegram-ում