Շախմատի կանանց հավաքականն աշխարհի առաջնությունում պարտվեց Ռուսաստանին
Նմանատիպ
ԵՐԵՎԱՆ, 7 ՄԱՐՏԻ, ԱՐՄԵՆՊՐԵՍ: Շախմատի Հայաստանի կանանց թիմի անհաջող արդյունք գրանցեց աշխարհի թիմային առաջնության երկրորդ տուրում:
«Արմենպրես»-ի հաղորդմամբ՝ Աստանայում ընթացող թիմային առաջնության երկրորդ տուրում Հայաստանի հավաքականի մրցակիցը Ռուսաստանի թիմն էր: Ընտրանու կազմում միայն Լիլիթ Մկրտչյանը ոչ-ոքի ավարտեց պարտիան: Մյուսները՝ Էլինա Դանիելյանը, Աննա Սարգսյանը և Սիրանուշ Ղուկասյանը, պարտություն կրեցին: Հայաստան-Ռուսաստան 0,5-3,5:
Աշխարհի կանանց և տղամարդկանց թիմային առաջնություններն անցկացվում են մարտի 4-15-ը Ղազախստանի մայրաքաղաք Աստանայում: Մրցաշարում ելույթ ունենալու հրավեր Հայաստանի թիմը ստացել է 2018 թվականին կայացած շախմատի համաշխարհային Օլիմպիադայում բարձր արդյունք գրանցելու շնորհիվ: Կանանց պայքարում հանդես են գալիս Ռուսաստանի, Չինաստանի, Ուկրաինայի, Վրաստանի, ԱՄՆ-ի, Հունգարիայի, Եգիպտոսի, Ղազախստանի եւ Հնդկաստանի թիմերը:
Հետևեք մեզ նաև Telegram-ում