Մարմնամարզության հավաքականի երեք անդամներ դուրս են եկել աշխարհի գավաթի եզրափակիչ
21/03/2019 11:08
Նմանատիպ
ԵՐԵՎԱՆ, 21 ՄԱՐՏԻ, ԱՐՄԵՆՊՐԵՍ: Հայաստանի մարմնամարզության հավաքականի անդամները հաջող են մեկնարկել աշխարհի գավաթի հերթական փուլում:
«Արմենպրես»-ի հաղորդմամբ` օղակների վարժության որակավորման փուլում Վահագն Դավթյանը գրավել է երկրորդ, իսկ Արթուր Թովմասյանը` երրորդ տեղը: Երկուսն էլ դուրս են եկել գավաթի խաղարկության եզրափակիչ փուլ:
Հաջող է մեկնարկել նաև Հարություն Մերդինյանը, որը, նժույգաթափերի վրա զբաղեցնելով երկրորդ հորիզոնականը, դուրս է եկել եզրափակիչ փուլ:
Հայաստանի հավաքականը Քաթարում ընթացող աշխարհի գավաթի փուլին մասնակցում է 4 մարզիկով: Արթուր Դավթյանը հենացատկերի որակավորման փուլին կմասնակցի մարտի 21-ին: