Դիեգո Լոպես. Երբ «Ռեալը» գնեց Նավասի տրանսֆերը, հասկացա` դրությունս վատացել է
Նմանատիպ
«Միլանի» դարպասապահ Դիեգո Լոպեսը պատմել է, որ որոշել է հեռանալ «Ռեալից» այն ժամանակ, երբ ակումբի ղեկավարությունը ձեռք է բերել Կոստա Ռիկայի հավաքականի դարպասապահ Կեյլոր Նավասի տրանսֆերը:
«Երբ «Ռեալում» ես և Կասիլյասնն էինք, իրավիճակը նորմալ էր: Սակայն, երբ ակումբը գնեց Նավասի տրանսֆերը, ես հասկացա` դրությունս վատացել է: Զրուցեցի Անչելոտիի և նրա օգնականներից մեկի հետ: Նրանք ինձ օգնեցին «Միլան» տեղափոխվելու որոշում կայացնել` ակումբի մասին շատ լավ բաներ պատմելով: Այս տեղափոխությունն ինձ համար, իսկապես, հեռանկարային է»,-Լոպեսի խոսքը մեջբերված է «Tuttosport»-ից:
Հիշեցնենք, որ Դիեգո Լոպեսը «Ռեալ» է տեղափոխվել 2012-13թթ. մրցաշրջանի ընթացքում, երբ ձեռքի վնասվածք ստացավ Իկեր Կասիլյասը: Այն ժամանակ «Ռեալի» գլխավոր մարզիչ Ժոզե Մոուրինյոյին այնքան դուր եկավ Լոպեսի խաղը, որ Կասիլյասի ապաքինումից հետո վերջինիս թողեց պահեստայինների նստարանին:
Հետևեք մեզ նաև Telegram-ում