Լոպես. Մաղթում եմ, որ Ռոնալդուն ստանա «Ոսկե գնդակը»
30/12/2014 18:20
Նմանատիպ
«Միլանի» դարպասապահ Դիեգո Լոպեսը իր նախկին ակումբի՝ Մադրիդի «Ռեալի» դեմ այսօր Դուբայում կայանալիք ընկերական հանդիպումից առաջ խոսել է իր ակնկալիքների մասին։
-Սա ինձ համար գերազանց հանդիպում կլինի, չէ՞ որ հանդիպելու եմ իմ նախկին թիմին։ Սա կլինի երկու մեծ ակումբների փայլուն հանդիպում։
-«Ռեալը» հաղթել է Չեմպիոնների լիգայում, Աշխարհի ակումբային առաջնությունում։ Սա լուրջ ստուգում կլինի մեզ համար, մարտահրավեր։ Մենք ամեն ինչ կանենք մեզ լավագույն կողմով ցույց տալու համար։
Ինչ վերաբերում է Կրիշտիանու Ռոբնալդուին, ապա ես մաղթում եմ նրան, որ այս տարի ևս ստանա «Ոսկե գնդակը»։ Իսկ մեզ համար այսօր «Ռեալին» հաղթելը հոգեբանորեն շատ կարևոր կլինի,-նշել է Լոպեսը։
Հետևեք մեզ նաև Telegram-ում